حركات البنات ايام الاختبارات

	1- الثلاث وجبات الرئيسية لازم تقعد عليها أول وحده وماتقوم الا آخر وحده و جوعانه المسكينة ياحراااام ،، واحيانا تزيد وجبات اضافية اذا كانت المادة دسمة . 2- تقعد تسوي روحها مستمله وتعبانه ويااااااربي ماني قادرة اذاكر مادري شفيني حاسة بلوعه يمه الظاهراحد قاري علي والا صاكني عين .. تقعد امها تقول باسم الله عليج.. تعالي اقرا عليج يابنيتي.. كل هذا عشان اذا سقطت يقولون عين . 3- بعضهم ينزل عليها وسواس نظافة ايام الامتحانات تاخذ شاور الصبح والليل وتستشور شعرها كل مرة طبعا مايصير تخليه يخترب باجر شلون تروح المدرسة .. والكتاب على جنب طبعا هذي من واجباتها اليومية ماتقدر تتركها عشان تذاكر مايصير 4- هذي تخلي الكتاب على صوب وتقوم تقايس ملابس السهرات اللي عندها عشان بعد الامتحانات على طول في عرس فلانه بنت فلان لازم تحدد شنو تلبس من الحين ... لا وبعضهم ليلة الاختبار عند الخياطة رايحه تسوي بروفه 5- وبعضهم تنزل عليها صلة الرحم فجأه تقوم تكلم وحده من صديقاتها اللي من ايام أول .. من زمان ماكلمتها تبي تشوف شنو صار عليها وتشغلها عن المذاكره 6- وهاذي تنزل عليها الشطارة فجأة تقوم تسوي العشا لاهلها.. وتغسل المواعين عن خدامتهم وتقولها طلعي نامي انتي خلاص انا اكمل 7- وهاذي تموووت على شي اسمه تليفون قالبته تشات حشا مو مسجات وماتحس بالوقت الا قبل الفجر بساعتين 8- وهاذي المسكينه اللي تعور القلب اذا قفل مخها جودت المخده ونامت و لما تقوم .. تقول يووووووه راحت علي نومه 9- وهاذي ايام الامتحانات تنزل عليها حالات غريبه كل شوي مشتهيه اكله معينه .. وامها ايه يابنيتي شنو تبين بس .. يعني تبي تساعدها عشان تفتح نفسها للدراسه .. هذا النوع ماتنتهي الامتحانات الا واهيا زايده 4 كيلو .. عن الزعل

ههههههههههههه
البناات دايما نصابات ههه
يسلمووو خيتو شيعية ^_^

هههههههههههههههههههههه
والله وطلعتوا على حقيقتكم يا بنات
بس بصراحه اختي شيعيه وكلامك بمتمه حتى الشباب نفس الحاله واردى بعد
يعني تلاقيه ايام الاختبارات تنزل عليه النضافه بس مونظافته اهو لاااااااااااا نظافة سيارته
يعني تلاقيه من الساعه 7 المغرب لين 2 بالليل ينظف في هديك السياره ,ايه اكيد كيف يروح بالسياره واهي وصخه المدرسه ههههههههههههه

طبعا هدي وحده من حجج الشباب ايام الاختبارات

تسلمي لي اختي شيعيه على الموضوع

تحياتي

sheemooo

و اني اعرف وحدة كده
شـكــ وبارك الله فيك ـــرا لك ... لك مني أجمل تحية .

يسلموااااااااااااا شيعيه ماادري ماشفت نفسي فيهم لاتشفوني وقت الاختبار كيف ابغى اذاكر واخلص ولااكل ولاشيىء لين اخلص ويويلي اذا قربت روحتي للدوام ولا خلصت
يعطيك ربي الف عافيه

اخواني أخواتي

مروركم عطر صفحتي ..

وزادني تشريفا وبهجة ..

لكم إطلالة مميزة ..

وحروف مميزة..

دمتم بكل ود