اسفـ،، عليكـ،، ياقلبيـ،، مو عليكـ،، ياحبيـ،،

[NoOr Al3YoOn]

الحلقه الأولى..

في وحده من ليالي عام 2000 داهم سكون وظلام غرفة سجى .. ضوا جاي من الممر الخارجي مع صوت ابوها مبحوح...
.: سجى غناتي .. قومي من نومش وروحي مع اخوش نامي بغرفتنا....
فتحت سجى عينها مندهشه: انام في غرفتكم .. خير يا يبه ويش صاير؟؟
ــــ لا بس لا تخافي امش نفسها ضايق وتعبانه رجعت ليها حالتها باوديها الدختور واخاف نجيب اخوش عندش ويصحى اذا حركناه ويأذيش قومي يالغاليه ونامي وياه..
كانت سجى هي البنت الكبيره وبالصف الثالث متوسط ووحيدة امها وابوها الين يابت ليها امها اللي يكون لها سند في حياتها .. صادق ..وعمره وقتها 3 شهور..
وراحت سجى لأخوها ..
وابوها للسياره ماسك بأمها التي هلكها التعب...
ما نامت سجى وقتها .. كانت تتأمل وجه اخوها البرئ والدموع مخاويتنها.. و تقول فبالها .:
اااااه اني السبب اني .. امي ما فيها شدّه واني يا اخوي كنت سنين انتظرك تجيني وتواسيني .. امي قلبها تعبان وضعيف .. تِعبت مره يوم يابتني .. وتحسنت احوالها سنين لكني دوم كنت احسسها اني محتاجه لك يالغالي .. يابتك يا عديل الروح ورجعت حالتها .. اني انانيه ما همني راحتها .. ابغى امي .. يارب يشافيها ولا يصير فيها شي ...يارب ..
ودموع عينها تنهمر مثل السيل وتحرق خدودها....
الله اكبر الله اكبر...الله اكبر الله اكبر.. اشهد ان لا اله الا الله .. اشهد ان لا اله الا الله
اشهد ان محمدا رسول الله .. اشهد ان محمدا رسول الله .. اشهد ان عليا ولي الله .. اشهد ان عليا واولاده المعصومين حجج الله .....
تنهدت سجى .. الهي يارب بحق محمد وال محمد عليهم السلام.. فرج كربتنا .. الهي بحق علي عليه السلام ..حلال المشاكل شافي امي ياكريم.. وقامت للصلاه
ويقعد صادق ويملي المكان ازعاج بصياحه .. لمته خيته في احرامها ,, وضمته لصدرها تناغيه لينام وبين ما هي كذا حست بشعور غريب .. حست بقشعريره في كل جسمها وبخاطرها ودها تصيح.. وبحاجه لحضن امها الحبيبه .. حست و صادق متعلق بها وهي تهديه كأنه ولدها .. قطعة منها ... وامتزجت اغنيتها الهادئه بالغصه والدموع الساكبه ... الى ان سكن انين صادق واستسلم للنوم..
ومر الوقت ... وعقارب الساعه جّرت الهم جّر على قلب سجى .. و التقوا عند نص اليوم .. ولا خبر عن امها .. رفعت سجى سماعة التلفون .. وبأصابعها وهي ترتجف بدت تضرب رقم ابوها ..
_ ان الهاتف المطلوب لا يمكن الإتصال به الآن .. نرجو معاودة الإتصال في وقت لاحق ...
اكل الخوف قلبها ... عادت كذا مره الإتصال ولكن بدون فايده .. وبعد حوالي الساعه.. سمعت سجى صوت كراج السياره ينفتح طلعت تركض الا هي تلاقي ابوها شاحب وتعبان ولحاله...
_ يبه.. وين امي ...

_.......................

_ يبه حلفتك بالله ومحمد وعلي رد علي ....

الأب طاح على ركبه وضم بنته و راسه صار على صدرها ..ضمته وهي تصيح مذهوله من هالوضع .. عصرها بقوه
وهو يون ويصرخ .. :اااااه ... الغاليه راحت .. الحبيبه ودعت ...
وسجى مذهوله وشاردة والدموع تنهمر بعفويه بعفوية تااامه وحده ورا وحده..
وبلا وعي تصرخ وهي تهز ابوها ..
_ يبه وين راحت ... ويــــــــــــــــــن؟؟
_ راحت لله يا بعدهم ... راحت لربها يا خلفها..
حزتها انفجعت و تسمرت في مكانها وانتابتها موجة هيستريا صارت تضحك وتضحك والدموع تتناثر .. وابوها على الأرض متيبس لا حول له ... جا عمها اخو ابوها من ابوه... وكان جارهم سمع الصراخ فدخل...
_ شصاير ويش السالفه .. خير اللهم اجعله خير
صارت سجى تصرخ وهي تلوح بيدها تلويح مودع وضحكاتها متعاليه
_امي .. راحت .. راحت ... امي ....
وتصارخ وتصيح ..
العم يحاول انه يتماسك مع هول هالموقف .. ويحاول تهدئة الوضع .. اتصل على زوجته عشان تجي وتهدي بنت اخوه .. جت بسرعه ودخل معها ولدها الكبير قاسم .. قاسم كان بالثانويه العامه ...
دخلوا وكانت سجى بالحوش غطت زوجة العم سجى بعبايتها ولكن بعد ماشبع قاسم شوي زين من المطالع .. >> صبيان عيون بصاصه مو مصدق على الله ..خخخ..
كان قاسم مولع بسجى ويموت على التراب اللي تمشي عليه. .. وعور قلبه حالها في ذلك اليوم ... رجع للبيت وقط روحه على سريره وصورة حبيبة الروح مطبوعه في مخيلته .. وتناهيده بغت تطلع روحه .. تمنى لو انه يقدر حزتها يضمها ويهديها ويواسايها ويمسح دموعها بكفه.. بالمره كان عاشق رومنسي ...




:::::::::::::::::::::::::::::::::::

يلا حبايبيـ،، ابيـ،، اشوفـ،، تفاعلكمـ،، معـ،، القصهـ،،

يلا بالردود الزينهـ،،

[NoOr Al3YoOn]

وينكم ياعضاء :(

[أسيرة الهمـ والغربة]

يسلمو ع القصة

[NoOr Al3YoOn]

وين باقي الاعضاء :(

[NoOr Al3YoOn]

الحلقه الثانيه


قاسم في قاعة الإمتحان النهائي .. يحك ايده .. لا لحكة فيها لا بل لأخراج" البرشوووومه" كانت طويله بالمره تقريبا متر ونص.. >>> والكتابه يا عيني عليها ... .. انتبه له المراقب وطب عليه خوووش طبه.
_ طلعها لااااا اطلع رووحك
_ ويش هي استاااد .. ما عندي شي ..
_ بتطلعها لا انادي لك الإداره .. والله حاله امتحان الوزاره وبدل لا تشد حيلك وتذاكر حق تجيب مجموع يدخلك جامعه.. امحق عاد ويا وجهك قاعد تبرشم .. اهووو طلعها ,,
ودخل الأستاذ اصابع يده تحت كُم قاسم ليطلع الأعجوبه ..
_ ماااشااااء الله .. لا بالله هذي تصلح وزااااااار اتوزر بها ... حضرتك من متى وانت تنحت فيها ..هاااا .. وبعدين قولوا صعبه الأسئله .. وقطوا بلاكم على الإستاد ما يعرف يشرح .. وانتون بدل المذاكره تضيعوا الوقت تبرشم يا زفت...قوم اطلع برى ....
طلع قاسم ولا هاامنه .. والضحكه شاقه بووزه ... وبعد الإمتحان لاقاه واحد من الربع ..: هااا قسااموه ابو القسم . يلعنننن يومك... من متى وانت تبرشم فيها .. رهيبه والله ...
رد عليه قاسم وهو يكركر ضحك ...:
خخخخخخ اسكت واللي يرحم امك هذي توارثوها خوالي واحد واحد وما احد صادهم ما طاحت الا براااسي انا الأهبل ..خخخخ.. يللا.. الله رايد ننجح بالحلال...
وانحرم قاسم من الإمتحان ليحمل الماده للدور الثاني .>>. اسف على رجال المستقبل ؟؟
اما سجى .. اووه لاغبار عليها كانت بنت مجتهده ومثابره وتتمنى تحقيق امنيتها وامنية والديها وبالذات امها المرحومه .. انها تصير دكتوره ناجحه .>>>>."خخخخ تحيز للبنات .. بس هذا الواقع "
وتخرج قاسم بالدف يالله يا ااكريم والنسبه اللي تشرف اللي ما اخذها الا عقب ما اخذ له سنه تفحيط في ثاني ثانوي داش قسم طبيعي "علمي" مفكر حاله عبقري وتغصغص " انحشر" في ذيك السنه ولا طلع الا بطلعة الروح غير 3 سنين ضيعها تقريبا موزعين شي في ابتدائي والباقي في متوسط .. خخخ امحق .. يعني وصل تقريبا عمره 22 وهو كرف في هالدراسه.. بس كان ولا هامنه شي .. ليش..؟؟؟
لأنه مأمن مستقبله .. ابوه غني بالمره ما شاء الله وهو وحيده بين 3 بنات يعني ذراعه اليمين فبلا جامعه بلا بطيخ قابل شغل ابوك واملاكه وعلى الراحه واقبض كل شهر بارده مبرده...
وبعد سنتين صارت سجى بالصف الثاني ثانوي.. وكانت متفوقه وشاده الهمه .. وبأحد الشهور من هالسنه.. كانت بنت عمة قاسم وسجى بتتزوج .. العمه اخت ابو قاسم خليصته .. الزبده ان ابو سجى الوحيد من امه وابوه الباقي اخوانه و خواته من ابوه ..
كانوا خوات قاسم يتجهزوا للمعاريس .. دقوا على سجى تجي وياهم .. جت مع صادق الصغيرون عمره سنتين و7 شهور .. اخذه قاسم يلعب وياه ... >>>>>ايه .... " تسوية حاال ... لفت نظر شقد هو حنين"
وقال لسجى:
_ خواتي فوق ينتظروش روحي لا تخافي على صدووقي فعيوني ياعيوني ..
وقفت سجى تطالعه..!!!
ضحك قاسم : عيوني صدووق الصغيرون ويش فيش روحي لخواتي يستنوش..
وفي باله يقول.. بل بل ما ترضى احد يقول ليها شي .. ويتبع هالتفكير بإبتسامة رضى .. احسن اذا انا ولد عمها وما تعطيني وجه يعني الغريب ابد مصفوق حاله ... خخخخ ويش ابغى احسن من كذا ...
بس سجى كانت تعرف له وبنفس الوقت كانت تميل له بس كانت ما تفكر وايد فيه تخاف انه ظنها مو في محله .. هو اكبر منها بــ 7 سنين.. فقالت يمكن اكون... كاسره خاطره لأني يتيمه ومعتبرني زي اخته فعشان كذا يهتم فيني....فطنشت الموقف ..وركبت لبنات عمها وكانت بنت عمتهم الثانيه.. واسمها ريم وتعدل وياهم ..وتكشخ قايم عندهم وحركتات ..
وقاسم تحت ظل ساعه يلعب مع صادق لين مل صادق وقام يصيح ...
_ ماما.. ماما ... ابغى ماما سجى..
عور قلب قاسم وقطعه مليون قطعه ..
_ خلاص خلاص حبيبي الحين اوديك لسجويتي الحنينه يا حياتها انت....!! أه؟؟ ...!! يا حياتها؟؟ .؟؟ لا لا لا اغار انا .. >>>خخخخ الأخ مررره رايح فيها
...وصار قاسم يهدِّي في صادق. ما يبغى يتفشل وتفكر حبيبته انه ما يعرف لليهال..وصار زي المينون مع صادق . لين دوخه من اللعب ونام ..
ــ اووه نام الولد ويش اسوي ابطلع انا .. خله نايم بالصاله وادق على خيتي تقول لسجوي .. والا لويش المخاسير ما عندي رصيد اصلا خلني انا اركب وادق بابهم واقول انا لسجوي يمكن تسمعنا كلمتين شكر حلوين ...دخيل الله شكر من هالملاك ... >>>> " شلالالالالاخ وحيال اجل ما عندك رصيد.."
وبالصدفه كانت سجى ناسيه اكسسواراتها في بيتهم قالت لبنات عمها
_دقاايق طياري اروح اجيبهم واجي تركتهم على التسريحه..
وتطلع الحلوه سجووي تركض من غرفة بنات عمها وما في ظنة بالها ان في احد بيمر من هنا خصوصا ان غرفة قاسم تحت مسوي له الأخ جناح ...
وقاسم يصعد الدرج .. ومن السرعه يوم شافت قاسم بوجهها تبغى تغطي وجهها ارتبكت و تعثرت بعبايتها .. طبعا الحلوه كانت لا هي لافه الشعر ولا غطى ولا هم يحزنون . ومتكشخه عرووس...
وطاااااخ على قاسم... قاسم مو مصدق عمره... ويقووول في باله .. اللللللللللله مو شكر بس الا... حضنه بعد ....×××××
سجى المسكينه مختلعه وانربط لسانها ويغمى عليها بين ايادي قاسم .>>>>>>>...". خخخخخ فلم هندي ".....

[NoOr Al3YoOn]

الحلقه الثالثه

قاسم بين ايدينه حبيبته .>>. يوه يوه يوه .. ويش يسوي
ووضعه محرج مو عارف ويش يسوي ؟؟ ظل ساكت ربع ساعه مستناس بعمره .. يوم طولت وهي على هالحال .>>. الله عليه.. ويش سوا..عشان يبرئ روحه وموقفه انه ما يستحي يركب لبنات بدون ما يتنحنح والا يقول.. يالله يالله طياري على طول ...قام غطاها بغطاها ونادى على خواته .. : تعالوا لبنت عمكم اغمى عليها .... الحقوا يا اخواااتي ...ياهووووووووو...........
وجوا يركضوا وهو وخر على جنب >>>مسوي حاله ما يدري عن شي..
سألوه ويش صاير..؟؟؟ رد عليهم :
والله تنزل الدرج متغطيه وانا في الصاله اقول ليها صادق نام وتتعثر بعبايتها وتطيح...
قالت اخته : غربل الله شرك وانت ضاق عليك البيت كله وما لقيت الا الصاله .. تدري سجى وريم ويانا وتدري بأي لحظه ممكن نحتاج شي ونطلع يعني ما ناخذ راحتنا ...
انقهر ابو القواسم: اقووول ورا ما تسكتي لا تفقعي راسي صار اللي صار..
ــ الحين ويش نسوي . ما طاحت الا على الدرج تعالوا نشيلها .؟؟
"كان قاسم يستناهم بيوصلهم لصاله الأفراح"
ــ وخروا بس كل وحده فيكم متكشخه وما ادري ويش.. الحين تعرقوا وتسيحوا هالصبغ اللي بهالوجوه وترجعوا تدعبسوا... وتخربشوا... وما ادري متى تخلصوا وبتعطلوني .. اهوو بس.. لا حرج.. حالة طوارئ...وي وي وي >>>>>>خخخخ الا فرررصه .. ياسوبر روميو..!!!
قاسم شال سجى لغرفة خواته..
طبعا ريم بنت العمه كانت تراقب الموقف وميته من الغيره والحقد والحسد .. كانت تموت في قاسم ومحترق قلبها وهي تشوف سجى بين اياديه وهو شايلنها للغرفه..
ويوم طلع قاسم من الغرفه سوت ريم حالها طيبه:
ــ يوه.. سجوي كانت بتروح تجيب اكسسوارها.. هي قالت انه عالتسريحه صح... باروح اني اجيبه ليها تعبانه مسكينه ...
وطلعت تجيبه...
وهم يصحوا في سجى .. لين صحت..
ــ الحمد لله .. الله يهديش سجوي ما ترفعي غطاش وانتي نازله الدرج ..
سجى في بالها .. غطاي ؟؟
فهمت السالفه...وسكتت .. عجبها موقف ولد عمها يوم يغطيها مفكرتنه غطاها على طول..>> خخخ ما تدري يوم توهق وما درى ويش يسوي .. بس ماتت من الحيا والفشله يوم درت انه شالها .. وهم يقولوا عادي زي اخته فطوم انتي.. اخته بنفس عمرها وخويتها الروح بالروح..
اما ريم طلعت ترررركض وقاسم على باب الطريق من داخل .. توه بيطلع.. وتسوي حالها تتعثر ححححححححح وتفحط ...وتطيح روحها بالحوش...
ويالله تنتظر هي السوبر روميو يسعفها .. ولا سمعت الا صوت :ههههههههههههههههههههههه استغفر الله شوي شوي خيتووو
.. وطااااخ صوت باب الطريق يتسكر... >>>>> لا مفكره حضرتها حضن روميو سبيـــــــل ..خخخخ×××
ورجعت ميته من القهر بس ما انتابها الا شدخه وغبره ..
ــ وين الإكسسوار
ــ رجعت قلت يمكن سجى ما ترضى احد يدخل غرفتها وهي مهي موجوده.. ..>> امحق عذر...
ـــ لا عادي خيتي الغرفه غرفتش..
ريم فبالها تتحمق.::عادي خيتي الغرفه غرفتش..××× مالت عليش .. بس يحرم على غيري قاسم يالبايخه.. يالممثله..××× >>>>خخخخ مو كل يرى الناس بعين طبعه..!!
وصار قاسم ذيك الليله يقلب الفكر يمين وشمال.. وعلى ذاك السرير اللي قام يصارخ من كثر ما تقلب عليه اخونا وذيك المخده اللي نتفها من كثر القهر.. وقام يهلوس ويكلم حاله....استخف سيد قيس.. وكل همه شقااه بليله..
ـــ افففففف لمتى هذا حالي .. لمتى اموت فيها وهي ما تدري بي .. لايكون تدري وما تبغاني .. افففف ويش اسوي .. اخاف اصارحها وتاخذ عني فكره ... اااااااه ويش اسوي ......!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هههههههههههههههههههههههههههههه كح كح ويلي ااه ..... >>>>تذكر شدخة ريموه بالحوش ........ اااااه يا سجوي مااحلاش وانتي بحضني ؟؟؟؟ ويش اسوي...؟؟؟؟؟؟؟؟؟؟؟؟؟؟؟؟....ااااااااااااااااااااااا اااااااااه........................اففففففففففففف.. ..؟؟؟؟؟

اهاااااااااا مالي الا خيتي فطوم هي اكثر وحده خويتها اقول ليها وتكلمها ... ايوووه ههههههه يارب تضبط وياي ..
وناااام وهو مستاااااانس...
ويوم ثاني صاير الأخ طيب مع فطوم.. هااا فطومي ما تبغي السوق والا مكان اوديش...
فطووم:؟؟؟؟ ..... بسم الله مصخن اخوي.. اول امس ابغاك توديني اخذ لي نعال حق ثوبي البارحي منت راضي لا و تسخر علي تقول لي قصي نعالي على مقاسش وحطي فيه زري و شرايط والبسيه...>>>>استظراف صبياني..خخخ.. واليوم نازل عليك وحي الطيبه والحنيه !!! .. ويش فيك ..؟؟!! ... ..
ـــ بل بل خلاص الواحد يحتار وياكم اذا ما طاوعكم قلتوا نحيس وما منه فايده واذا طاوعكم قلتوا مريض ويبغى شي.. بس... بس.. بلا هدره....
ــ اقول قاااسموووه قوم بس شكلها السالفه خطيره تعال وقول لي..
وقعدوا لحالهم بغرفه وفضفض ليها كل اللي فقلبه..
وصارت تكركر من الضحك ... يلعن بليييييسك البارحه ها .. طاحت وما تدري عن شي هاااا اتاري بسبتك يالبايخ
هااااااا.هههههههه..حيــــــــــــــااااااااااااال. ..نصاااب..
ــ اقول لا تقعدي الحين قرقر بربر و تسوي حالش علي وتخليني اندم اني قلت لش شي ..
ــ خلاص خلاص من عيوني اجس لك نبضها ,,,كم قسوم عندي ...
ــ يابعد روحي خيتي عاشت عاشت...
وفي العصر دقت فطوم على سجى : الووو سجووويه ويش عندش الحين
ــ ولا شي خير ان شااالله
ــ لا بس اباجيش ملانه حدي ودي اسولف وياش
ــ حياش الله غناتي البيت بيتش
سجى ما شكت بشي عادي معتاده على فطوم وحركاتها وطلاتها كل ما بين فتره وفتره
جلست فطوم .. صاروا يسولفوا سوالف عاديه عن مدرسه فلانه وعلانه وصار وتيك وتاك .. وسواليف بنات مداارس ..>>>>>>>.خخخ كل مرحله لها سواليف ..خخخ
قامت سجوي بتضيف فطوم ..
فطوم قعدتها: قعدي خيتو ما ابغى شي اباقول لش سالفه ..
ــ هلا عيوني قولي...
ــ والا اقول لش قومي جيبي لي ماااي اول
ـــ ياعلي لهالدرجه السالفه خطيره خير ان شالله
ــ خير ان شالله
ــ شربت فطوم الماي ومن الربكه شوي وتقرض الكاس ...
ظلوا هدوووء شوي زين...
سجى بتفتح بوزها بتسأل ويش فيش؟
تقاطعها فطووم : الصراحه سجويه ماني عارفه ويش اقول لش بالمختصر.. اخوووي يسلم عليش ويقول لش قلبه اخذتيه ياترى وينه عندش ...>>>>>>." الله الله على الرومانسي الشاعري "
ــ ابتسمت سجوي وتلون وجهها الوان .. واخذت الكاس من ايد فطوم وشربت الباقي .. وصارت تنافخ......... ـــ ابغى هوااا هواااااااااا ...
فطوم اختلعت : يووه ويش فيش سجوي لا تسويها ويغمي عليش تراش راعية سوابق انتين ..
قالت: لا بس افتحي النافذه.. ابغى هواااااااااااااااا... اوكسجييييين..
قامت فطوم طياري فتحت النافذه ..
ها سجوي ويش فيش اهدي هاااا.. شهيق.. زفيير... وقول لي ويش ارد على اخوي ؟؟؟

[NoOr Al3YoOn]

الحلقه الرابعه

ظلت سجى فتره ساكته ومهي عارفه ويش تقول متفاجأه .. ومستانسه... طلع ظنها في مكانه ... وشتت هدوئهم مسج جا لفطوم...
" انا برى.. البيت ... اقوول بس تخلصي عطيني مسد كول عشان ارجع مو تخليني قاعد على اعصابي ...."
ابتسمت فطوم: هذا قاسم يالله بمشي...
ـــ لالا اقعدي تعشي وياي ..
ـــ ههههههه تبغي قاسم يفرمني...ويسويني شاورما..
ــ بل بل يمه ...
ــ لا تخافي انتين احم احم طبعا غييييييييررررررررر .. تعالي بس ويش ارد عليه ...
ـــ قلبه هنا...
واشرت سجوي على قلبها ...
فطووم تلونت: خلاص عاد استحي اني والله توهقت فيكم .. احبكم ويش اسوي بعد
وبين ما فطوم طالعه تلبس نعالها ..
نادتها سجوي:
ــ فطوم هااش اخدي..
ــ الله ام اند امز .. الله الله حقي يسلموووو
ــ هههههه مو حقش..
ـــ ؟؟؟
ـــ حقه....
ـــ ههههههه الله الله وتدري به يحبها بعد .. اااخ بس الله لينا .. صدق من شاف احبابه نسى اصحابه
ـــ بلا نحاسه انتين ما تحبيه تحبي جالكسي ادري بش انتين بعد ..هااش بس ابغى امزح وياش...
ــ هههههه يسلمووو بس عناد من اليوم باحب ام اند امز عناااد فيكم هههههه
وراحت فطوم البيت ..
ودخلت غرفتها .. ودقت على قاسم ..
ــ بللللللل مسرع ما مداه يرن معلقنه فأذونك؟؟
ــ اهووووو... بلا هدره ويش صار ؟؟
ــ لااااااا والله. انت قلت مسد كوول ورديت على طول بتخسرني .لاااا وتصارخ علي بعد ماني قايله...×××
ــ خلاص ياعمري حقش علي مواااااااااااااااااه بعد وهذي بوسه ..
ــ مو الي البوسه فارقني ...
ــ اهيييي عليناااا لا تصيري نحيسه كذا ×××>>>دلع بناااات .خخخ
ــ هههههه امزح
... وتهز الإم اند امز بيدها ...>>>>>> شخشخشخشخشخخشخ
ـــ ويش هالصوت مُخش انخرش خيتووو
ـــ هههههه لا اسم الله علي هذا ام اند امز هديه حقك
ــ الله ويش المناسبه
ــ مو من عندي من عندها .. ياللله تعااااااال بس تعالاااااااا))))..
ــ كح كح كح كح >>>>>" شرق الأخ"... من عندها لا تفتحيها لين اجي هااا
ــ ههههه ما افتحها ..في المشمش... هذااااااني ااااكل منهاااا))) ممممممم..
.. وتفتح الجالكسي وتسمعه صوت القراطيس ....
ــ فتحتيها هاااا )))) ثواني اباجيش وافتح راااسش...>>> ياعنيف مفك قواطي ..خخخ
ـــ هههههههه....
....طاااااخ ...>>>قفلت بوجهه..
وبسرررررررررعه وصل وطااااااااااااااااااخ صفق باب غرفة فطوم بالجدار من قوة الهجوم لا احم ولا دستور....
ــ يمه يمه بسم الله علي هدّي مين لاحقنك خيي؟؟
ــ اقول بلا نحاسه ويش صار ووين هي الشوكولاته وليش فتحتيها و.. و...و..
ــ بل بل شوي شوي علي ...
الشوكولاته هااك ما فتحتها اصلا ما احبها احمد ربك .. واما الحبايب يسلمو عليك ويقولوا لك قلبك هنا ...
>>>>> واشرت على قلبها ....
ــ أه.. لاعااااد.. أفا ؟؟ وويش اسوي انا في قلبش ؟؟!!!!!
ـــ هههههههههههههه.. اي بالله اخوي استخف .. امثل لك يا حظي يعني ... قلبك في قلبها ..
ــ اللللللللللللللللللللللللللللللله هي سوت كذا ..
ــ يس ......
ــ لللللللللللللللللللللللللللللووووووووووووووووووووو ش يا حلاتها يا سعدي يابختي ...
ــ هههههه اقول حجيه بلا حركات عجايز...
ــ حجيه فعينش انا قاسم رجال وغصبن عنش
ــ لا عاااد عدال لا يصير فيك شي .. وي وي
ــ اقول تراش مصختيها ... اوريش
ـــ وريني ... وانت اللي بتندم
قاسم في باله .. أي والله انا يالله لاقيت مرسول غراميات الحين اطيره من ايدي اعقل يا لخبل .... >> ياكثركم يارواعي المصلحه ..اخ يادنيا خخخ..
ــ خلاص خلاص خيتو بس لا تستفزيني
ــ هههههه خلاص ولا يهمك أي خدمه تانيه افندم
ــ لاْ.. متشكره ..ميرسي اوي اوي..
وطلع قاسم وحده طاااير من الفرحه ..والشوكولاته في ايده ويهلوس فباله .. الله كل يوم باكل حبه وحده لا تخلص واذا خلصت باخش القرطاسه .>>>>. خخخخ رومنسي فلل الأخ.....
امــــــــا سجى ... ذايبه ذوبه مي مصدقه اللي صار والسالفه مهي قادره تستوعبها ... وفرحانه حدها..
ومرت الأيام وفطوم مرسول الغرام حق طيور الحب الحلوين .. توصل سلام وكلام واي شي .. واغلى شي على قلب سجى من عند قاسم كان سلسال فضي به تعليقه قلب صغيرون .. وصارت سجوي لابستنه على طوول...
وفيوم زاد الشووق حده في قلب قاسم قرر خلاص انه يخطبها ... قال لفطوم ..: ها قولي ليها ابخطبها.......
ردت له فطوم الخبر.. تقول لك لين تخلص ثالث ثانوي.
ــ الله الحين هي توها مخلصه بس نص الترم في ثاني ثانوي باقي نص سنه انا وييش يصبرني .. لا و بعدها سنه قدام.. كفايه اللي صبرته .. قولي ليها بس الخطوبه ما بنتزوج الا اذا تخرجت من الجامعه لو بغت بعد .. بس على الأقل اكون وياها...
وبعد كم يوم راح ابو قاسم مع قاسم وخطبوا سجوي....
سجوي كانت مستانسه وحدها طايره من الفرحه وبحفلة الخطوبه لبست ذاك الثوب الروعه ولفت على الخصر حبل ورد.. ولبست قلادة ورد ..
والباقه تفننت فيها شمعدان خشب المسكه حقه طويله و لفت على المسكه ورووود كثيره يعني صارت اميرة الورد.. وحطت شمعه حلوه بالشمعدان ودخلت وهي منكسه الشمعه تزحف على الأرض والشمعه مطفيه .. وبعد كم ساعه جاها قاسم حامل باقه حلوه وشمعه مشتعله ومضويه ظلام الصاله بدخلته وصل لعند سجى وقفت له.. باس جبينها .. ورفعت له شمعتها .. وولع شمعتها بشمعته ... وهمس بأذونها :.. ..انتي يا شمعة حياتي..احبـــــــك..
وهي تبسمت بخجل وردت : وانت ضوى هالشمعه..
ودمعت عيون سجوي..
ـــ ويش فيش ياعمري..؟؟
ــ تذكرت امي كان حلمها تشوفني بهالليله..
مسح دموعها بكفه...
ـــ الله يرحمها ويحسن اليها هي تشوفش الحين يا احلى ملاك ياغناتي انا لش امش وابوش وكل دينتش..
ـــ تسلم لي يالغالي ..
ـــ اللللللللللللله... ااااه.. الله يسلمش لي ويحفظش يابعدهم..
وجت فطوم بعدين حامله صندوق فيه الشبكه وتاج حلو لبسه قاسم اميرته ... وتوهق شوي زين في الحلق... >>>>>>خخخخ .. " وهقة الرجال أي بالله ولازم له سعيف حزتها "..
المهم كاانت ليله اسطوريه الكل تكلم فيها عن روعة سجى وخجلها الفتان وعن رومنسية قاسم وحنيته مع الخطيبه الغاليه... وكانت فعلا ليله من ليالي الف ليله وليله ....

.
.

[NoOr Al3YoOn]

الحلقه الخامسه


طبعا ... في مكان ما في ارض الله الواسعه بيت ريم .. الحاقد الوحيد على سجوي

على سريرها.. وفي الظلمه.. وضامه مخدتها.. والدموع اربع اربع.. والدعاوي قايمه يادافع البلا.. سوت حالها مريضه بس عشان لا تروح
وبنص الليل .. قبل لا يجوا امها واخواتها
فتح عليها اخوها الباب.. وطالع فووق
ــ بل اشوى ما طاح سقف بيتنا من العجب.. ريمووو هنا.. ما رحتي الحفله.. عااد انتي قبل الطقاقات عاده تعسكري في الصاله.. لا يفوتش شي
ويش صاااير الليله !!!!!!؟؟؟؟؟
وتكفخه بالمخده
ــ اطللللللللللللللع برررررررررررررررى مو شغلك
ـــ بسم الله زين زين.. يالفك المفترس يالبعبع..
وطاااخ يا مسكين يالباب
ويرجع يفتحه
ــ اقول يوعااان ورا ما تسوي لي بطاطس مقلي ؟؟ >>> خخخ متفرغ
وتقوم ريمووه تركض
مو عشان تسوي له عشان تنتفه
زين نفذ بجلده خخخ

وتمر الأيام الحلوه على سجوي وقاسم
7
7
7
7
7
7
7
7
7
7
7

قاسم ياحلا هالكون انا افدى هالقلب والروح
هديه من ربي المعبود يوم انه كتبك من نصيبي
اعيش في عالمك ظلك وين ما تروح انا باروح
واداريك عن كل عين بعيني يا سلوتي ويا حبيبي
وليفي يوم انجمعت بك داويت لي ضيم ويا جروح
عساني منحرم منك وياجرحي زيد دام انت طبيبي
ـــ اااااه صح لسانش يابعد هالروح .. يا غناتي والله تسلمي لي ويش اسوي.. ويش اقول حسافه ماني شاعر .. بس صدقيني ما باقي شي على اللوحه وتخلص..
ـــ ايه العب علي اني سويت فيك ديوان وانت من متى تعشمني بهاللوحه ياعلي ما صارت هذي سجى هاللي بترسمها ..
ــ اه.. مو غناتي وحبيبتي لازم ارسمها حليووه واتفنن فيها..
ــ لازم ترسمها حليوه !!!.. ليش الحين الحقيقيه مهي حليوه,,؟؟ >>> دلع بنات
ــ افا.. انت القمر يغار من طلتش ويستحي.. من نظرتش يا بعدهم
ــ اوه اوه صرت شاعر .. يا قلبي الله يخليك. يكفيني انك بجنبي هذي احلى هديه ويكفيني قولتك حبيبتي هذي عندي ما هي شويه....
ــ الله اللللللله .. وربي وربي فنانه .. اااه لو تدري شقد احبش ..الله لا يحرمنا من بعضنا قولي امين..
ــ ياارب امين بجاه محمد واله
ــ اللهم صلي وسلم عليهم..
كانوا مثل طيور الحب ترفرف عليهم السعاده وكانوا اروع اثنين.. والحياه بالمره احلوت في عين سجى بوجود قاسم جنبها..
وجت فترة امتحانات نهاية السنه.. وقاسم غيرااان من الإمتحانات والكتب
ــ افففف عاااد الحين بتلهيش هالقراطيس عني.. مانا مانا اغار
ـــ ههههههه لا تصير زي اليهال عاد ياعمري
ــ الا باصير زيهم.. ياهل واكبر ياهل ويبغى حنان وتدليع زين ولا هو شغلي فيش ولا في امتحاناتش.. عطينا وجه عاد .. مو تحقرينا .. ولمتى امتحاناتش هذي
ــ اسبوعين
ــ بل بللللللللللل .. ااااه.. انا ما اصطبر دقيقتين . اصطبر اسبوعين
ــ لا وقبل بعد اسبوع ابغى اذاكر فيه ..>>> تحاول تتغلى عليه ..خخخ
ــ ياعلي والله حرام لالالالا هذا هالإسبوع خصم .. ما فيه .. غياب فيه نو لا ومليون الف لا..
ــ ههههههه زين بس من يوم الأربعا ببتدي كرف
ــ منا للأربعا لينا حديث اخر
ومر الإسبوع بغمضه عين وجا يوم الأربعا
ــ لا عاد .. ارحميني.. حني علي .. ليوم الجمعه..
ــ ههههه لا تقول بعد ليوم السبت الصبح
ــ جاااااااان زين...
ــ المفروض تخاف علي وتخليني اهتم بدراستي وتنصحني اقابل كتبي
ــ وربي خايف عليش واتمنى لش النجاح بس انااا وويش اسوي اخاف انجلط من طول البعاد.. ابشتاق..ما اقدر
ــ اسم الله عليك عسى عدوينك ..بس لازم تقدر حبيبي صدقني كل ليله قبل لا انام ابادق عليك وبسولف وياك ساعه
ــ بس يالبخيله.. وااايد عليش
ــ يوه.. حرام عليك هذا وبعدني في ثاني بكره اروح ثالث ثانوي.. وبتشوف الغياب على اصول
ــ بلللل الله يصبر قلبي المسكين .. يا قلبي الله يعينك
ومر اسبوع من الإمتحانات
الأسبوع الثاني..كان على سجوي بيوم الإثنين امتحان فيزياء
الا قاسم يدق..
ــ هلا حبيبي
ــ ويش فيش ما تردي صار له ساعه يرن
ــ ههههه بل ساعه ,, لا بس حاطتنه صامت عن لا يزعجني
ــ افا افا صرت انا مزعج الحين..
ــ ياعلي ويش فيك متحسس ما اعنيك حبيبي بس اهدأ لي صامت لا تزعل عاد ..
ــ طيب لا ازعل ..مممممم .. شوفي لا تقولي ما فيه.. انا مانا قادر.. كفايه اسبوع ويومين .. يعني تسعة ايام.. يعني مئتين وسطعشر ساعه يعني اطنعشر الف وتسع مئه وستين دقيقه يعني ......
ـــ هههههههههه خلاص خلاص .. يبغى لي تجي وتعلمني رياضيات بس اسف امتحنته و بكره فيزيا..ههههه كل هذي حسابات..
ــ ااااه ما تحسي فيني انتي خليني لش مدرس خصوصي..
ــ لويش تقول كذا... داخل قلبي انت. مممم مدرس خصوصي هههه حق المذاكره السنعه بس . والله حتى اني مشتاقه
ــ شلالاخه..
ــ افا.. ويش تبغى اسوي عشان تصدق
ــ تطلعي وياي اليوم واحشتني يالنحيسه
ــ لالا بكره فيزيا صعب وما ذاكرته من قبل ما بيمديني
ــ شفتي .. قلت لش شلاخه ما تصدقي
ــ ياعلي حرام عليك قسومي والله احبك ..
ــ لا زعلت انا خلاص .. زعلان ياقلبي ومين يراضيك.. تحب الفيزيا اكثر مني.. >>> واتددددددلع..
ــ خلاص ابطلع وياك. بس بشرط
ــ وانتين كله يا تعانديني يا اذا رضيتي تحطي قيود حرام عليش حني علي
ــ انت اللي افهمني عاد تكفى.. ابطلع بس ساعتين بالكثير وترجعني البيت
ــ امري لله .. والله هالساعتين بيمروا لحظتين يللا بس...حكم القدر جاير علي .. بس والله وربي .. قسم قسمات .. وقاسم اذا اقسم قول وفعل.. ان ما عوضتيني بعد امتحاناتش هذي ابذبحش
ـــ يمه هههههه اعوضك ؟؟
ــ ايه ان شالله اعسكر عندش 24 ساعه مانا رايح بيتنا..
ــ الله .. ههههه فعيوني ياعيوني
ــ تسلم لي احلى عيون وراعيتها
وطلعت سجوي مع ابو القواسم العصر.. ويللا دواره وداها البر وصعد بالسياره على الطعس وجلس وياها في الهوا الطلق...>>> حيال ما وداها البحر اقرب.. طار للبر حق يطول المسافه ساعتين حقه وساعه للطريق..
ــ يللا حبيبي بتغيب الشمس..
ــ خلها تغيب .. اباعد وياش النجوم
ــ هههههه ياعلي حرام عليك .. بردت
ضمها اله.. ــ ها خلاص بتدفي الحين
ــ ما ذاكرت..
ـــ اوهوووووووو ...لا تتحججي انا وياش وعقلش مع هالفيزيا.. عاد خلي لينا شويه اهتمام
ــ خلاص ياعمري ولا تزعل .. >>> يالـ التضحيات..
وظل وياها للساعه 8 بالبر بعدين وداها مطعم وعشاها
وما رجعها البيت الا الساعه 12 وهي منهده ما نامت العصر ولا ذاكرت مسكت الكتاب تطالع فيه ظلت للساعه 3 الفجر وهي بس تطالع فيه تحس كلما ذاكرت خرت ولا شي يلبق في مخها.. تعبت ورمت الكتاب وطاااخ تدقها نومه ...

[NoOr Al3YoOn]

الحلقه السادسه







جلست سجوي يوم ثاني الصبح وهي مرعوبه ياعلي ما ذاكرت شي ويش اسوي.. وتمسك اوراق العمل وتطالع في المسائل والقوانين بسرعه.. وتروح المدرسه وتناشد خوياتها يساعدوها وبالأخص فطوم
ــ فطوووووم الحقي علي .. ما ذاكرت شي
ــ حسبي الله عليك ياقاسموه كله منه هالياهل صح
ــ حرااام خليه اني مني ما احد قال لي ما اذاكر من قبل...
ــ والله اني مذاكره من قبل واحس روحي مو لهناك ..مهي حجه ما ذاكرتيه قبل ولا تدافعي عن هالدب النحيس اوريه اذا رجعت البيت...
ــ فطوموووه ماني ما ارضى عليه .. خليه الحين... جايتنش ابغاش عون,, تصيري على قسومي فرعون...
ــ ههههههه يلعن ابو الحب اهووو... بس تعالي باراجع وياش عالسريع
ويصيروا يراجعوا بسرعه..
وكانت معاهم ريم.. ريم ما تكره احد في الدنيا قد كرهها لسجى.. وابليسها قاعد يوسوس" ياعساش ما تربحي.. امس وياه .. يا حسرتي.. الله ياخذش يالنصابه.."


ويبتدي الإمتحان .. وزعوا الورق.. سجوي تحك عيونها مهي شايفه عدل .. الأسئله ساحت على بعضها من النعس ما قامت تشوف وصدعت
وخربطت خرطي كل شي...
ورجعت منهده .. ومزفته.. وصار اللي توقعته.. ما جابت علامة النجاح خسفت بالنهائي .. وبالشهري ما كانت جايبه العلامه الكامله.. فطاحت براسها .. ولأول مره بحياتها ترسب بماده وتشيل همها للدور الثاني..
>>>>ويالــ شماتة العدوان ..
وجت الإجازه الكشخه.. اجازة الصيف.. وياعيني عالطلعات والروحات والجيات..
وقاسم متحسف على حبيبته يحسها زعلانه.. ويهون عليها .. ان شالله تعوضي ولا تاكلي هم طول ما انا وياش اباعلمش ...>> ايه مو هو ساس البلا.. امحق مدرس عاد.. هو يبغى له من يدرسه .. خخخ


وفي يوم من صباح الله خير قعد قاسم صوت نغمة حبيبته... >>> رومنسي رهيب.

ــ الوو حبيبي قسومي صباح الخير ..الحق علي


ــ صباح الأنوار.. خير ياغناتي ويش صاير


ــ ابوي عنده اجتماع وجواله مغلق.. وصادق اخوي مصخن مره والتعب زايد عليه" صادق مريض من ولدته امه.. قلبه ضعيف"


ــ الحين هدي ياغناتي وصلي على محمد.. الحين اباجيش اجهزوا .. مشوار الطريق..


وما طول قاسم عليهم.. ووصلهم المستشفى . وسجى خايفه على اخوها مووت


ــ هدي ياعمري صلي على محمد.. ان شالله ما يصير الا الخير


ــ اللهم صلي على محمد وال محمد ان شالله يارب بس هالمره حالته غير.. زايد واني خايفه موت عليه


ويطلع الدكتور ..


وسجوي ماسكه قلبها


ــ هاا خير يادكتور طمنا ويش فيه الولد؟؟؟..


ــ والله مش عارف أأول لك ايه .. دا لازم له عمليه بسرعه.. صمامات ألبو تعبانه أوي ..والنبض ضعيف..لأ.. دا وضعه ما يستحملش.. انت ابوه؟؟


ــ لا انا زوج اخته..


ــ أمال فين ابوه..


ــ مشغول انا الحين بداله


ــ بس ضروري ابوه يتكفل بإجرائات العمليه ويجينا حالا


ــ طيب باروح له الحين.. سجويتي انتبهي لنفسش باروح لعمي وبخبره.. اوكيه


ــ اوكيه على مهلك حبيبي سوق لا تسرع


ــ يا عمري.. ان شالله يللا فأمان الله


ــ الله يحفظك..


وصل قاسم لعمه وخبره وجوا طياري للمستشفى


وسجى كانت تنظر لأخوها وهي يتنفس بسرعه والعرق يتصبب منه .. وهي تصيح وتدعي الله " يارب شافي حبيبي .. شافي كياني هذا قطعة مني.. يارب بعده صغير على العذاب ارحمه يا الهي.. وشافيه لي .. يارب هذا باقي ريحة امي .. امي راحت عشانه..


وصارت دموعها تسيل شلال يوم ذكرت امها


" يارب لا تفجعني بفقده دخيلك يا الهي.."


وبين ما هي تدعي .. فتح صادق عيونه.. تبسم وقال لسجوي:


ــ ماما ابغى ماي..


صارت تمسح على راس اخوها..


ــ امي .. ماي ياعمري اجيب لك ماي .. لعن الله يزيد وقومه.. الحين ياغناتي باروح اجيب لك..


طلعت بتروح للبراد بتجيب لأخوها ماي .. وهي راجعه.. حست بقبضه في قلبها


وصلت لغرفة اخوها الا الممرضات متجمعين والدكتور معاهم وحاطين تنفس اصطناعي لصادق .. والحاله قايمه


ــ ويش صار فأخوي ويش فيه..


ــ ما تخافيش يابنتي ان شالله خير بس دا عاوز هوا اكتر..


سجى تناظر اخوها بحسره.. عينها عليه وعلى تخطيط قلبه


وكل ما قل مستوى التخطيط حست روحها بتطلع ..


وصلوا قاسم مع ابوها .. دخلوا المستشفى وبين ما ابو صادق يوقع على اوراق العمليه.. سمعوا صراخ سجى..


راح قاسم يركض ودخل عليهم .. لقاها مرتميه على اخوها ودار براسه للتخطيط لقى النبض متوقف -------------------------- ..


حاول يتماسك بس رجله شلته تسند على الجدار.. ودمعته انسلت من عينه .. وتوجه لسجى جلس جنبها وحوطها بذراعه وصار يحاول يهديها .. بس من شدة الفجعه صارت تقول : كل مني اني .. اني اقتل اعز الناس.. اني اقتل كلمن احبه ويحبني.. امي ماتت مني .. واخوي الحين مني ما انتبهت له عدل


ــ سجى غناتي هذي ارادة الله استغفري ربش مو منش حرام هاللي تسويه فروحش


ــ حتى انت اني اخاف عليك .. اخاف اقتلك بعد ... اني شؤم..


ــ هدي ياعمري اذا موتي لحبش راضي به هدي..


ولا يسمعوا الا صوت ضربة الباب بالجدار ووراها ونه تقطع القلب:


ــ ااااااااه ..


تلفتوا لقوا ابو صادق وجهه ما يتفسر ومنذهل ومتسند عالباب.... ودموعه بللت لحيته..:


ــ راح الولد .. هاااا .. راح السند..راح خلف اللي راحوا ولا عودوا.. راح خلفها..وعلى الله الخلف..


قام قاسم لعمه وحط ايدينه على كتفه..


ــ شد حيلك يا عمي البقا في راسك الله يخلي لك سجى وتفرح بأولادها


ــ ااااااااه .. الولد راااااح.. سلام الله على الحسين ورضيعه..


وصار يبكي .. وقاسم خلاه يطلع حرته فلا اعظم من ذكر مصاب الحسين وعياله في مثل هالمواقف..

[NoOr Al3YoOn]

الحلقه السابعه



ـــ امــاه .. جيتك اسلم عليش.. واترحم لروحش يالغاليه .. اماه هذا حشاشة جوفش جنبش يواسيش.. وتختنق بالعبرات .. اماه ليش خليتوني.. والله محتاجه ليكم.. خذوني وياكم..
ويضم قاسم ايدها بالقوه ..
ــ يا سجى يا حبيبتي استهدي بالله ومحمد واله.. يا غناتي ليش تقولي كذا
هذا قدرهم.. .. جعل يومي قبل يومش..
ــ لالا لا تقول كذا انت سندي يالحنون الله لا يفجعني بك
ويحط يده على خدها
ــ طيب هالدموع لا عاد اشوفها مره ثانيه انتي ما تدري شقد غلاها عندي وامش الله يرحمها ما يرضيها تزعلي حالش وبعدين انتي انانيه زين
ــ ليش تقول كذا ؟
ــ اجل تدعي على نفسش بالموت .. ليش ما فكرتي فيني ويش باسوي بدونش ها
ابموت انا كل شي ولا سجوتي ..
ويقطع الحزن والألم ابتسامه بهداوه و همسه..
ــ والله احبك.. الله لا يحرمني منك
ــ ولا يحرمني منك يالغاليه.. و يللا بدل الدموع اقري لأمش الفاتحه وادعي ليها وخلينا نمشي
ــ ان شالله
تعبت سجى بهالفتره .. اليوم في نظرها سنه .. كان فراق امها تاعبها والحين زود عليها اخوها الهمّ ..وقربت تفتح المدارس وسجى ماليها خلق .. والسنه كانت اخر سنه .. فقررت تأجل لا تتعب حالها وهي تدري ان نفسيتها مسدوده فما بتفلح ولا بتجيب النسبه اللي تدخلها الطب ..
طبعا قاسم ما يحتاج له سؤال عن هالشي .. اول المؤيدين هو .. مستانس انها ما بتنشغل عنه سنه كامله .. وبنفس الوقت حالها مو عاجبنه ..
وتمر الأيام ببطء شديد..
ــ سجوي .. والله هالحل مو عاجبني لمتى انتي كذا مو كفايه انش اجلتي .. ها .. هذاني ابسبقش بسنه بعد ما كنا كله ويا بعض
ــ ااااه يافطوم والله مالي خلق .. من جد صادق ترك لي فراغ كبير ماني عارفه كيف امليه..
ــ لو ما اجلتي كان لهيتي بكتبش
ــ واللي يرحم والديش اقول لش مالي خلق
ــ ان زين خلاص .. ويش اخبار قاسم وياش اوكيه ماشي سيدا..
ــ الحمد لله تمام ..والله ما مصبرني وشاد حيلي الا وجوده جنبي
ــ ايه اشوى فكرت بعد لاهي والا شي .. كان اسويه شاورما
ــ ههههه.. الحين مين فيكم اللي يسوي الثاني شاورما
ــ هههههه لا عدمنا هالضحكه .. مممم ثنينا وراح نفتح مطعم
ــ الله اجل ماني متعلمه طباخ كل يوم من مطعمكم
ــ لا عيــــووووني .. اخوي ما تحشيه اكل مطاعم و مطاعم .. بالله ويش شغلتش .. بياخذش مزهريه ..
ــ بل بل اني سمعت العمه هي اللي تحط دوبها دوب مرت الولد مو الحماه
ــ لا اني غير اني حماة 2007 هاا اتقي شري
ــ هههههههه ههههههههه
ــ اه ياسجوي والله وحشتني ايامش .. ايام الحركتات والأكشنات في الفصل
ــ خخخ احسن لش الحين عشان تنتبهي للدروس وبلا قرقر
ــ هههههه أي بلا قرقر.. والله توها اليوم ابله حصه موقفتني ولاااااا.. حزري وين
ــ خخخ وين ياحظي
ــ احم احم .. وبكل فخر .. خلتني جاارة للزباله ..>>>حصل الشرف
ــ هههههه امحق فخر..مالت عليش ولويش يعني ؟؟ ويش مهببه
ــ ولا شي هي تشبر وتأشر بيدها وتشابق وهي تشرح .. قولي ايه
ــ ههههه ايه
ــ دارت واني حماس متفاعله وياها .. واشبر زي حالتها .. ما ادري ويش خلى كفوفي يتصافقوا..>>> الجاذبيه شديده
ــ هههههه مستانسه بعمرش شااطره
ــ طبعا الصفقه قويه .. دارت حصوه تصرخ:
انت ياابت انتي وياها.. مين العله اللي صفقت
ــ يمه يمه من قرقوشه هذي وتالي
ــ ابدا قامت تصرخ وتهدد وتطالع في السيد اللي اني فيه شاكه بالموضوع
وصرخت:
ــ يا فاطمه مين اللي صفقت
ــ ايه وانتي هزيت الكتوف ها مااا ادري معروفه حركتش
ــ لا راحت علي قامت تهدد بتنقص السيد كله علامات اربع بنات واني خامستهم مالي اني بهم احط بذمتي شي.. رفعت ايدي وبكل اماانه ــ ايه ياعيني عالأمانه ما احد يغلبش فيها
ــ خخخ يللا عاد زين مني طيبه اعترفت
ــ هههه طبعا الحلوه حصه وقفتش عند الزباله على هذا السبب
ــ خخخ ايه لأنه بعد اول الدرس قهرتها بشي
ــ ويشوووووووو بعــــــــــــــــد..؟؟
ــ عاد والله فتحت الشنطه الا دفتر الدين مو فيها .. ما ادري ذاب.. اكلته الشنطه.. هرب..ما ادري وين راح
ــ ايه يصير خير هذا هو فــ دبتي
ــ ههههه تدري بي نسايه واوقف لش ارز طولي وتجي وهي تفتش الواجب .وتطالع فوق .. خخخ محتره من طولي عقلة هالأصبع ..
ــ هههههههههه
ــ ها يافاطمه خير رازه طولك علينا
ــ نسيــــــــــــــــــــــــــــــت الدفترررررررر
وما شفتها ياسجيووه الا هي حامله دفتر اللي جنبي وتصرخ
ـــ نسيتيه .. وليش بالله
ــ نسيته لأني نسيته .. ما ادري
ــ وعلللله تهدك.. اكسر راسك بهالدفتر
ــ هههههه هذي لو يدروا عنها الإداره فصلوها
ــ وين يفصلوها خخخ تنحاش المدرسه كلها وهي قاعده محلها مع جبهتها اللي تقول كبوت سياره يا عرضها تلممممممع
ــ هههههههه.. ويلي فطوموه هذا وانتي ثالث اني قلت بتأدب اذا رحنا ثالث
ــ اهووو ..بس وين نتأدب اقول لش وقفتني عند الزباااله من حرتها اني ناسيه الدفتر ولا بعد مشاغبه..
ــ ههه ايه صحيح وتالي
ــ صرت اوخر الزباله برجولي شوي شوي عني وانتبهت لي شرشبيل زمانها
ــ هههههههههههه غرربل الله شرش صدق تشبهه واحنا السنافر ههههههه
ــ ههههههه المهم انتبهت لي وصرخت .. رجعيها مكانها
عاد اني بدل لا ادانيها بيدي .. ثقيله .. ويش الي.. اروح اني اليها واخاويها خخخ
ــ وييييييع ويييييع فطيمووه ام الزباايل
ــ يللا عااد بتمسكها علينا نسيتي يا ام شلاخ
ــ ههههه لالا بتنخل فضايحنا
ــ هاا نسيتي ابله نوره يوم تمصع اذونش
ــ هههههه لا ما نسيتها ظليت شهر امغط في الأذون الثانيه ابغى ارجع التوازن عفست علي الدنيا..
ــ هههههه استغفر الله عليش ياسجيوه هوايل
ــ ايه بس مو عند الزباله
ــ اوهوووووو.... بس ماني شلاخه اني اعترفت .. احسن من ما احل الواجب واسوي حركة هاليهال اكتب العنوان وطول ما الأبله تفتش اسمعها صوت الورقه وهي تنشق ويالله اكفسها تكفيس ولما تجيني اسوي حالي : ابللله حليته بس مو عدل الحين ارتب الخط .. يلعن يوم الشلخ ..
ــ يللا عاد صادتني هي وخلتني اطلع الواجب الجهنمي
ــ ههههه خووش مصعة اذون ها ..اي بالله شي
ــ فطوموه تتذكري ابله ساره يوم تنشدخ بسبة شبيصتش
ـ ههههه أي والله عضاضه صغيرونه تسوي الهوايل
ووالله ما احد قال ليها تلبس كعب عالي وتجي تدوس لينا عضاضات
ــ بس حححححح فحطت قبل لا تطيح هههه غبرت علينا
ــ هههه خوش بس خساره خسرتني العضاضه حليوه كرستال توها جديده نتفتها تنتيف
ــ هههههه زين ما نتفتش
ــ ههههههاااهههههههههااااهههههههههااااهههههههههاااااا يي
ــ يمه ويش فيش
ــ ذكرت ابله منيروه يوم نلعب عليها
ــ ههههههه اييييييييييه بصف اول ثانوي
ــ ايه والله ما دوروا يحطوها الا هي بحصة الفراغ .. امحق انتظار..
ــ هههه والله انلعب عليها عدل ها .. نبغى نطلع نشم هوا...تجي تغثنا هدي بعد..
ــ ابله لو سمحتي هذا مو فصلنا
ــ اجل وشو ,, وينه فصلكم
ــ ابله فصلنا في المبنى الثاني .. متغويين احنا
ـ طيب روحوا ..
ــ ههههههههه الله متغويين نص الحصه في فصل مو فصلنا والله انش يل سجيوه شلاخه و والله انها طيبه
ــ احمدي ربش اننا اول ثانوي والله لو غير كذا كان ما بتصدق
ــ يللا عاد من كبارة المدرسه قوطي صلصل مخفس وحالتها حاله وين تتغوي .. تعرفي كل رقعه بالتفصيل
ــ خخخخخ أي والله بس طيبة المخلوقه .. >>> ترقيعه بعد الغيبه ..
ــ هههههه وانتوا كله حش كله حش في خلق الله .. صدق حريم
ــ يمه اسم الله على عمرنا بللللللللل عليك من متى هنا يا نحيس ابد لا احم ولا دستور
ــ خخخخ من اول ما وقفتي عند الزباله طلعتي ام الزبايل اجل
ــ ههههههه لا رحتي فيها فطيموه
ــ اهي اهي أي والله خلاص لين اجيب اولاد وهو بيسميني ام الزبايل
ــ يللا باخذ سجى من عندش..
ــ لا ياعيوني وين وبتاخذها .. بالله الحين احنا نسولف ومستانسين صحيح انك عذوووول ×××××
ــ ههههه بل عذول والله اختي فصيحه تعرفي مصطلحات
ــ ايه.. و حكي العواذل فرق قلووبنااا ..ــ اص اصصصصصص اكرمينا بسكوتش يا الطقاقه اقصد الفنانه فطومه خخخخخ
ــ عمى مو اني هي لكن ما عليه
.........سجـــــــــــــــــــــــى شووووفي ريلش ادبيــــــــــــــــــــه ....
ــ اصلا سجى وياي عليش مووو سجويه
ــ ههههه اقول تراني ضايعه بينكم ماني داريه ادافع عن مين تنجازوا اثنيكم اخوان
ــ يللا بس سجوي خلي عنش الذنوب والقرقر الفاضي مع ام الزبايل ــ اوووهوووو
لكن ما عليه يالدفش الحين ها قلب علي صحيح الدنيا دواره <<<< خخخ صار ما يهمه شي نال مراده وخلاص
ــ خلاص قاسم ما ارضى على فطوم
ــ حره حره .. ويو ويو
ــ بل خخخ ما تسوى علينا والله عليكم يالبنات سواليف .. اقول يللا سجى اجهزي
ــ ان شالله..
وطلعوا ..
وتمر الأيام و قاسم يحاول قد ما يقدر يدخل السعاده لقلب سجى وينسيها المر والعذاب.. وفيوم بين ما كانوا بالسياره.. فتحت سجوي شنطتها وطلعت منها
صندوق صغير خشبي لونه بني محروق بداخله قرآن والحصن الحصين وتربه صغيره .. وكاتبه في ظهر غطا الصندوق.." الهي اسعد حبيبا ادخل السعاده الى قلبي واحفظه من كل مكروه بالصلاة على محمد وال محمد"
ــ يا عمري تسلمي لي على هالهديه الغاليه .. سعادتي وياش يالغلا الله يخليش لي ولا يحرمني منش
ــ الهي ياكريم
وبين ما هم بالسياره دق جوال قاسم .......

[NoOr Al3YoOn]

الحلقه الثامنه




ــ هلا يبه ..
ــ هلا قاسم ها وينك ؟
ــ قريب خير ان شالله
ــ سجى معاك..؟؟
ــ ايه
ــ يللا بسرعه تعالوا البيت االمحامي ماجد عندنا وطلب اجتماع لكل افراد العايله فتعالوا بسرعه لا تتأخروا..
ــ خير ان شالله .. يللا جايين فأمان الله
ــ مع السلامه

ماجد .. محامي العايله .. عمره 30 سنه... اعزب ... انسان ناجح مثقف عصامي.. لكنه جامد بزياده... لامجال للضحك ولا حتى الإبتسامه عنده.. بالمختصر جااف للغايه..

ــ تدري سجوي .. انا دم ضروسي هالماجدوه هذا
ــ ههههه لويش..
ــ ياثقل دمه اففف .. يسوي حاله مره شي .. وهو خرطي
ــ ما ادري بس اللي اشوفه انه انسان ناجح ومثقف واهم شي انه عصامي >> تضرب وتر حساس في قاسم
ــ نعم .. الله الله بعد تمدح قايم فيه
ــ ايه هذا الحق .. ليش بعد اكذب..ياليت ياقسومي تصير زيه فشي واحد
ــ وععععععع .. انا ابو القواسم اصير زي هالتعبان .. اقول بلا زيه بلا بطيخ .. انا اعرف تبغيني زيه فويش ..........××××
صكي السالفه..
ــ ان شالله خلاص
كانت سجى تتمنى ان قاسم يعتمد على نفسه.. يكون حاله بحاله.. كانت ما تحب اتكاله على ابوه في كل صغيره وكبيره.. ياما طلبت منه يدور له شغله اقلها يرسم ويفتح له معرض ويكد شوي .. ما يمنع كونه مع ابوه انه يشق له طريق يثبت فيه وجوده .. وامكانياته.. كانت عادي عندها بتقاسمه الحلوه والمره وراضيه بأي عيشه وياه .. بس يكون له ذات وكيان مستقل .. بس لاحياة لمن تنادي..
كان رده الدايم على هالموضوع
ــ انا مينون في احد يصير عنده خير ويروح يدور الشقا
ــ ما قلت لك اترك الخير بس شوف حالك شوف وين ممكن يكون ذاتك
ــ بلا ذات بلا كلام فاضي .. انا كذا مرتاح وخلاص سكري الموضوع

اكثر شي يقهر سجى من قاسم هالأتكاليه .. ويشعل بينهم خلافات .. لو ما تتنازل سجى بالنهايه وتخليه بكيفه وبزاجه
ظلوا ساكتين بالسياره .. لين وصولوا لبيت قاسم

وابتدا الإجتماع مع افراد العايله الكريمه

جلسوا الرجال بالصاله والحريم بغرفه قريبه
فتح ماجد الشنطه .. وطلع صك .. لمزرعه .. وقال:
ــ طبعا ابوكم الله يرحمه ويحسن اليه .. قال ليكم انه هالمزرعه تبرع فيها للجمعيه الخيريه.. بس هو لا تبرع بمزرعه ثانيه.. هذي المزرعه خلاها امانه عندي لمدة 5 سنين.. طلب مني ما اوزعها ضمن التركه .. لأنها كانت من نصيب واحد منكم..

" كانوا ابو قاسم هو الأكبر وعنده اخو يشتغل برى البلد من سنين.. واختين وحده منهم ام ريم.. كلهم من ام وحده .. وابو سجى اصغر واحد فيهم من وحده ثانيه وهو الوحيد"

فتح ابو قاسم عينه :
ــ لاتقول هذيك المزرعه اللي كنت احايل في الوالد يعطيني اياها عشان اسويها صالة افراح وهو مهو راضي..
ــ ايووه .. هذي هي .. وانت تدري سبب رفضه .. هالمزرعه بالذات غاليه على ابوك ووراثنها عن اجداده فما بيفرط فيها وبيقلبها صاله..
ــ طيب والحين.. انكتبت لمن
ــ لأبو صادق
ــ هاااااااا .. وليش يعني
ــ الصراحه لأنه هو الوحيد اللي مهتم فيها ويحبها مثل المرحوم والمرحوم حس انه مستحيل يفرط فيها .. هذا من ناحيه .. ومن ناحيه ثانيه انت يا ابو قاسم صار لك نصيب مو شويه من التركه انت واخوك .. بعكس ابو صادق .. لأن هالمزرعه من نصيبه فما حصل كثركم قبل 5 سنين ومع ذلك ما اعترض ولا سوى مشاكل دليل على طيب اصله .. فوالدكم ما كتبها بأسمه الا يدري انها ما بتضيع ..
ــ نعم .. يعني احنا اللي بنضيعها والله خووش ..طيب وليش الحين مو قبل 5 سنين
ــ اها .. ابوكم الله يرحمه وصاني اخليها امانه عندي .. واجس نبضكم اشوف ..
كيف بتكون علاقتكم مع بعض.. بعد ما تتوزع التركه .. هل بيحصل خلاف .. وطلب مني امهل 5 سنين واشوف الوضع .. وانا الحمد لله ما شفت الا الخير هذا انتوا صرتوا احباب ونسايب
ابو صادق:
ــ الله يخليك يا اخوي ماجد تسلم

ابو قاسم اكله الحسد والغيره..وشبت في قلبه حريقه وصار بليسه يوسوس
" الحين من متى وانا احايل في ابوي ابغاها وهو ابدا مو عاطني وجه ,, اتاريها للحبيب الغالي المدلل والله لكن راح اتصرف وما راح اسكت"

وسلم ماجد صك المزرعه لأبو صادق ..
ـ مبروك عليك يا ابو صادق يالله ان شالله تكون عند حسن ظن الوالد
ــ الله يبارك فيك . ان شالله . وتسلم .. كلك طيبه واصل..

وطلعوا كل راح لبيته ..
دخل ابو قاسم البيت وهو مقهور ودخلت معاه اخته ام ريم
واجتمعوا .. اجتماع اباليس مغلق.. حالة طوارئ
ابو قاسم مقهور ويتشكى لأم ريم
وام ريم بدل لا تهديه تزود عليه :
ــ ايه من يوم احنا صغار وابوي يفضله علينا ليش لأنه وحيد امه .. اصلا اللي يقهر ليش متزوج على امنا والله حاله
ــ يللا عاد انتي فويش وانا فويش الله يرحم امش وابوش.. راحوا خليني بهمي الحين
ــ لاهم ولاشي تبغاها انت
ــ ايه اكيد ..
ــ روح واطلب منه شراكه بينكم وسووا صاله الأفراح والنص بالنص.. بدل لا تطلع بلوشي..
ــ واذا ما رضى..
ــ افا بيرضى دام سجى هي السلاح >>>> ان كيدكن عظيم ..
ــ سجى ؟؟
ــ ايه .. يا يرضى ... يا يخلي بنته عنده .. اصلا ابغى اعرف اني ويش عاجبنه قاسم الله يهديه فيها .. وحده متعصقله لسانها ويش طوله..
ــ ويش اسوي له يحبها وانا هذا وحيدي ما ابغى اكسر بخاطره
ــ بلا حب بلا كلام فاضي .. انت سوي اللي قلت لك عليه وبس

كانت فطوم ماره قريب منهم وسمعت الكلام .. وانفجعت بهالتفكير لأبوها .. راحت
لقاسم غرفته ,, وسكرت الباب..
جلست قدامه وحطت ايدها على فخذه,,
ــ يا اخوي احلف
ــ احلف على ويش
ــ انك ما بتترك سجى
ــ ومين قال لش ابتركها
ــ ما احد بس بعد ما طلعت سالفة المزرعه.. احس انه بتصير مشاكل
ــ واحناويش دخلنا انا احب سجى ومستحيل اتخلى عنها اعقلي ها
ــ طمنتي الله يطمن بالك .. بس احلف
ــ ايهيييييي ويش فيش والله احبــــــــــها .. بلا هلوسه علي ها

بعد يوم.. راح ابو قاسم لأبو صادق
وطرح عليه فكرة الشراكه..
ــ اسف ياخوي .. والله انت الكبير وعلى عيني وراسي بس ابوي مأمنها عند ماجد 5 سنين محافظ عليها .. والحين دوري احملها امانه لباقي عمري .. هذي ذكريات عزيزه علينا اسف ياخوي ما اقدر

حمق ابو قاسم..××××××××
ــ عندك يومين تفكر وبتشووف اذا ما سويت اللي فبالي وقد اعذر من انذر
ــ استهدي بالله ومحمد يا خوي .. ما نبغى مشاكل ..
ــ انا ابليس مخاوني هاليومين وابغى المشاكل وبتفكر لا والله بنتك خذها ما نبغاها و يللا فأمان الله
ــ مو لهالدرجه يا اخوي صلي على محمد

طاااخ كفخ الباب ابو قاسم وطلع...

جلس ابو صادق وهو مبهوت ويش يسوي.. جت سجى عنده
ــ خير يايبه ويش صاير
ــ عمش ناوي على شر
ــ الله يستر .. لا ان شالله عمي طيب .. ويحبنا .. بس ساعة غضب وبتزول
ــ لا هالمره ناوي له على نيه ,, عمش هالمزرعه عينه عليها من يام المرحوم جدش.. وانا الحين خايف عليش والله .. هذا عمش اسأليني عنه .. اذا شي حاط عينه عليه وصار مو نصيبه .. يشب حرايق
ــ الله يستر .. لا ان شالله خير


ابو قاسم رجع البيت وراح لقاسم
ــ اسمع لا تقول لي احبها وكلام فاضي
قسما باللذي خلقني اذا ما عمك سوى اللي فبالي .. انك تترك بنته سامع
ــ لا مستحيل اسمح لي يا يبه انا من يمينك لشمالك الا في هالشي اسمح لي ما اقدر
ــ هو بيفكر يومين وانا هددته بسجى وباشوف.. لكن ان ما اقتنع بوريه.
ــ يبه ....... يبه
وطلع ابو قاسم من الغرفه وهو مصر على اللي فباله

فطوم سمعت الحرايق <<<< جاسوسه عالميه
وتدق على سجى..
ــ هلا فطوم
ــ اهلين سجوي اخبارش
ــ تمام الحمد لله
ــ ابوي كان عندكم من شوي صح
ــ ايه لويش تسألي
ــ سجوي تراني سمعت كذا وكذا .... حكت لسجوي السالفه
سجوي بهتت
ــ ايه وقاسم ويش رده فعله

[NoOr Al3YoOn]

الحلقه التاسعه



ــ قاسم.. ويش تتوقعي يعني.. اكيد مستحيل .. رافض هالشي ومستحيل يسويه
ــ الحمدلله طمنتيني وريحتي بالي ريح الله بالش
ــ يللا باي .. واذا صار ما صار بينا اتصال اوكيه
ــ اوكيه

الساعه 12 بالليل جوال سجى يرن
ــ هلا حبيبي
ــ مانمتي ياغناتي
ــ لا مو جايني نوم..
ــ ليش..
ــ ما ادري احس بتصير حرايب وهوايل بعد سالفة هالمرزعه
ــ كله من ماجدوه ثقيل هالطينه.. شقد شؤم وغثه..
ــ حرام ويش دخله بعد جزاته شايل امانه بحلقه 5 سنين ..وهالأماانه مزرعه يعني يبغى ليها عنايه .. زين منه كثر الله خيره.. يعني ما شالله عليه قد الحمل والمسؤليه
ــ هذا اللي ذابحنش قد الحمل والمسؤليه .. لاتقعدي تفخمي فيه اوكيه ولا تطريه وانا اكلمش
ــ الله اكبر .. مين اللي طراه وصار يحش فيه .. مو انت
ــ خلاص يللا عاد صكي السالفه
سجى تغيرت نبرة صوتها ..
ــ انت ويش فيك علي تبغى الحجه يعني .. تتحسس على اتفه شي.. وصاير هاليومين كله تسكتني ..اذا بتسوي اللي فبال ابوك سويه.. مالداعي للتجريح
ــ افا.. هدي حبيبتي .. اعذريني بس معصب زيش من هالسالفه وما اطيق هالمخلوق.. استحمليني شوي .. والله ما اعيدها اسف ياعمري
ــ................
ــ سجى يللا عاد خلاص اسف وربي ..
ــ خلاص انسى الموضوع
ــ سجى
ــ............
ــ عيوني عااد يلللا
ــ عيونها
ــ احبك
ــ واني بعد .. لاتخليني
ــ مستحيل انا موتي بدونش
ــ اسم الله عليك .. عدوينك ان شالله

طمن قاسم سجوي .. وحلّفها تنسى الموضوع وتنام .. وما بيصير الا الخير
ومروا اليومين كأنهم سنتين من المحاتاه
..
وشرف ابو قاسم عالوعد وهالمره معاه قاسم
وجلسوا بالصاله جميع قاسم وابوه ..وسجى وابوها

ــ هاا عسى فكرت زين بالموضوع.. ويش قررت
ــ قلت لك قبل يا اخوي اطلب أي شي .. خذ عمارتي .. وخل المزرعه
ــ لا جاي اطر من عندك انا .. خذ عمارتي .. حبيبي عندي مثلها ثلاث.. انا اقول لك المزرعه .. فلا تطولها معاي..
ــ وانا قلت لك اسف
ــ تدري انا بديت اشك بالسالفه..شكلك والله العالم متخاوي مع ماجدوه هذا .. ومزورين وصية المرحوم.. ومخلنه يكتبها باسمك .. ومن زماان وهي عندك مو توها.. وياعيني عالأرباح من ورى محصولها.. شكله النصيفه بينك وبين ماجدوه ها
ـــ والمعنى؟
ــ المعنى انكم.. مزورين وحراميه..
ــ اناا حرامــي .. افا يا اخوي ما هقيتها منك
ــ بطل تمثل علينا لعبتكم تراها مكشوفه .. ايه حرامي وستين حرامي
سجى ما استحملت كلام عمها .. كل شوي ولا ابوها
ــ عمي لو سمحت لا تغلط على ابوي
ــ نعم نعم .. هههههه اسمع بعد مين يتكلم .. ما باقي الا اليهال يأمروا علينا
الا حراااااامي وستين مليون حرامي وويش عندكم بعد
ــ الى هنا اسمح لي ياخوي .. تراك تعديت حدودك
ــ انا اتعديت حدودي يالنصاب يالحيال يا .... يا.... يا.... >>>>مشفرين من الرقابه خخخ
ــ عمي من جد .. احترم عالأقل كونك موجود فبيته
ــ بعد .. بيته يعني ويش طرده .. والا ويش ..... ــ ما قلت كذا بس ما ارضى على ابوي وبس خلاص
ــ بس خلاص انا.. تقولي لي بس خلاص طيب يا قليلة التربيه..
ــ لو سمحت اهلي ربوني احسن تربيه .. وتراني محشمتنك بس على شان ابوي
ــ تهددي يعني ويش بتسوي يا.. يا...
ــ حسبي الله ونعم الوكيل..
ــ لاااا وتحسبي علي بعد.. طيب ....ويحاول ابو قاسم يمد يده على سجى ويمسك ابوها يده
ويضغط عليها بشده
ــ كفايه الى هنا.. مصختها تراك.. شراكه بيننا في هالمزرعه ما فيه.. واعلى ما في خيلك اركبه
ابو قاسم كشر بوجه اخوه وهو يصرخ.. ــ طيييييييب الأيام بينا وانا اللي بوريك×××
قاسم طبعا لا يكش ولا ينش.. ولا حاول حتى يهديهم.. جالس يتفرج على المعمعه.. والحرب القايمه..
ــ يعني هذا اخر كلامك
ــ ايه اخر كلامي واسمح لي .. ولاعاد تفتح لي سيرة هالموضوع مره ثانيه
ــ طيب يصير خير .. يـــــــــــاقاسم
ــ هلا
ــ سجى مهي الك سامعني .. وحده قليلة تربيه وبنت حرامي ما نبيها امحق اصل
ــ اصلي اصلك وان كنا حراميه وقليلن تربيه ترى العرق واحد
ــ اه يابنت اللذين يابنت..............
طلقها .. الحين
ــ اسمح لي يايبه .. ما اطلق
ــ بتطلقها والا مالك شي بحلالي ولا تجي عندي وكل شي بسحبه منك ..
ــ ....اااااااااااا...
ــ طلق الحين لعنة الله على هالنسب طلللللللق
ــ سجى.. انت طالق..
قالها وعينه بالأرض.. عينه ما جت بعينها.. وهي اللي ياما قرت له عينه...
وطلعوا ..
حزتها ظلت سجى ساعه متيبسه.. وواقفه.. وعينها شارده..
ابوها ضمها وصار يبكي..
ــ هذا اللي كنت خايف منه.. خلاص باروح له وبعطيها اياه كلها ما ابغى حتى يشاركني فيها..
دمعة سجى طاحت بعفويه وقالت بصوت مخنوق:
ــ لا .. هذي حقك يايبه.. واني مستغنيه عن رجال ما حماني .. ولا عرف قيمتي وباعني .. ناس طماعه.. ماهمها الا نفسها.. اكتشفته على حقيقته ..مايحبني.. الحب تضحيه.. هذا ما يحبني.. واني مو لعبه فيدهم..ووسيلة ضغط عليك..
انسى يايبه..
ظل ابو صادق ضام بنته على صدره حول الساعه.. وهي هدووء وساكنه..
وما طاحت الا دمعتين..
ــ ابكي يايبه.. ابكي.. طلعي اللي بقلبش
ــ قسى القلب يايبه.. قسى..
ــ يابنتي لا تقولي كذا عشاني
ــ طيب يايبه ..خلاص باروح غرفتي ابغى اريح
ــ استهدي بالله يابنتي وصلي على محمد
ــ اللهم صلي على محمد وال محمد
ويوم وصلت سجى للدرج ..وقفت.. ودرات .. ونادت بصوت مخنوق والعبرات سيل تتجارى
ــ يــــبــــــــــــ...ااااااااااااه
وارتمت على حضن ابوها وصاروا يبكوا.. هم الإثنين...وحالهم يقطع القلب
..ضم وجهها بيده..
ــ خلاص يابعد هلي.. يابعد اللي راحوا ولا عودوا.. يااغلى ما فدنياي.. ياحيلتي وكل ما املك.. فديتش انا .. لا تاكلي أي هم طول ما راسي يشم الهوا
ــ الله يطول بعمرك ياتاج راسي ولا يحرمني منك ..
ــ ولا عليش هذا الله جاب هالسالفه عشان يكشفهم على حقيقتهم وقاسم مو من نصيبش الله يعوضش بولد الحلال اللي احسن منه
ــ الله يخليك يايبه ولا اني بحاجة احد
ــ لا تقولي كذا يايبه.. وانسي هالقاسم..
ــ نسيته خلاص..
وركبت سجى غرفتها..
صارت تطلع الهدايا.. ,, وابتسمت. ودموعها تسيل... اسمحوا لي بكره بتروحوا لراعيكم..
جلست على سريرها حست بضيق بصدرها.. حطت يدها على قلبها تحسست القلب الفضي الصغير.. شالته من عليها.. وصارت تطالع فيه وتتذكر
ــ مممممم غمضي يااحلى ملاك
ــ هاااا.. غمضنا
ويلبسها اياه
ــ فتحي العيون الحلوه
ــ الله تسلم لي يالغالي .. مره حلو
ــ يسلموو الحلو اللي لابسه..
ــ عهد علي ما بشيله من على رقبتي ابد
ــ الله ابصير وياش يعني وين ما تروحي
ــ اكيد يابعد روحي .. وين ما اروح
وقطع شريط الذكريات تنهيده من سجى
ــ ااااااه عهد علي ما اشيله من رقبتي هه شلتك من حياتي مو بس رقبتي
ويشتت الصمت اتصال من فطوم.........
ــ هلا سجى.. ويش صاير ابوي رجع البيت محمق وقاسم مو معاه ويش صاير
ــ ....................
ــ سجى ردي علي خوفتيني سجــــــــــى
ويدخل ابو قاسم على فطوم ويصرخ
ــ وانتي بعد هذي لا عاد اسمعش تكلميها والا تتصلي فيها . انسي ان عندش بنت عم اسمها سجى فاهمه .. هذا اللي قاصرنا بناتنا يخاوو قليلات تربيه
سالت دموع سجى زود يوم سمعت صريخ عمها
وقفلت هي السماعه
ــ يبه كل شي الا سجى.. هذي خويتي الروح بالروح رفقة عمر اني وياها ما افرط فيها لو ويش
طاااااااااااااخ
ــ لا تراددي وياي ولا تطلوي السالفه فاهمه
ــ يبه تضربني ليش.. ويش سويت تضربني على وفاي.. هذا اللي علمتونا عليه
الوفا.. والعشره ما تهون ..
ــ اصصصصص ولا كلمه ايه مو عادتنش ام لسان .. والله يافطموه خليني اسمع انش كلمتيها وربي لوريش ..

وطلع وهو محمق والسبايب ياويلي ويلاه

وصارت فطوم ترن على سجى وسجى ما ترد
وشوي
: ان الهاتف المطلوب لايمكن الإتصال به الآن نرجو معاودة الإتصال في وقت لاحق

رمت فطوم الجوال على السرير وارتمت وياه وابتدى مشوار النحيب

[NoOr Al3YoOn]

الحلقه العاشره







فتحت سجى عينها .. وظلت تتأمل سقف غرفتها .. والتفكير شاغلنها
ــ معقوله .. معقوله الطمع لهادرجه..هذا اللي عشته ويش يسموه.. حب..؟؟ ما اظن.. ليش فرط فيني.. عالأقل كان تدخل بين ابوي وعمي وهدا بينهم السالفه.. افا والله طلعت ياقاسم مو بس منت قد المسؤليه الا ما عندك شخصيه بعد.. منت لي ولا راح تكون لي.." وتسيل دمعاتها
" اسف على قلبي .. مو عليك ياحبي .."
وقطع هالشرود والعتاب طقات على بابها بهداوه
ــ سجى يا يبه.. لسا نايمه والا صحيتي
ــ لا صاحيه .. تفضل يبه
دخل ابوها وجلس على سريرها وطالع فيها وتنهد
ــ اااه .. افا يا بنيتي ويش قلنا البارحه.. ليش عيونش كذا .. توش تصيحي صح
ــ يا يبه غصبن عني مو هاينه علي الأيام اللي قضيتها معاه
ــ انسيه يا غناتي .. وريحي بالش ..وقومي خلاص .. ولا تنسي هاا.. ترى هالسنه خلاص قريب تخلص .. ويللا ابغاش تشدي حيلش بثالث وتبيضي لي الوجه بالنسبه اللي تشرف .. واكسري خشومهم .. وخلش دكتورة وارفعي راسي
ــ راسك دوم مرفوع يا يبه .. ووعد مني لأشد حيلي وارضيك .. وعد والوعد دين


وجت السنه الجديده .. شدت سجى حيلها بالمره .. وتناست قاسم من حياتها.. وكل ما كان يطري كانت تلتهي بكتبها وتضغط على نفسها .. وتحاول تعاند ذكراه .. وتسعى انها تقهره بنجاحها .. وانها نسته وكملت طريقها بدونه ولا كأنه كان موجود بحياتها اصلا .. تعبت واجتهدت.. لين حصلت المنى .. وجابت النسبه اللي شرفت عايلتهم كلها .. محد سبقها فيها .. 99% وبكل جداره


ــ مبرووك يا يبه الف مبروك يا بعد روحي
قالها والدموع تبرق في عينه
ــ الله يبارك فيك يالغالي
ــ يا غناتي ياحلاتش وانتي د. سجى .. والله انش فخر لي الله عوض علي كل عذاباتي بوجودش يا حلا حياتي
ــ الله يطول لي بعمرك يايبه ولا يحرمني منك يا بعد روحي
ــ يللا متى التسجيل ...
ــ هههههه لسا يا يبه بعد فتره.. عموما اني متابعه زين وما بفوت أي تاريخ لا تخاف ..
ــ والله متحمس .. ومستانس وفرحان وطااير من الوناسه... الله ..بنتي احسن وحده في العايله .. الحمد لله رب العالمين على هالنعمه.. صبرتي ياغناتي ونلتي..والله يكتب لش كل خير ..
ــ الحمد لله ..وعسى الفرح دوم مقابلنا.. يارب ياكريم
وجا يوم التسجيل .. دخلت سجى الجامعه .. مجهزه اوراقها ومهي ناسيه ولا أي شي
اول ما دخلت مرت عليها وحده محمقه من الطالبات
ــ قرف يقرف هذي عيشه من متى وانا هنا لا ورقمي 123 لا حووول اقعد لبكره مالت عليهم.. <<< بسم الله خوووش فال..!!

دخلت سجى قاعة التسجيل والزحمه قايمه.. عطوها الرقم اللي يفجع..
ــ يمه.. 145 هههه هذا اللي طلعت ارحم .. ويش ابسوي
وظلت من الصباح للعصر تنتظر...لين جا رقمها .. سجلت اوراقها وكل شي وعطوها موعد حق امتحان القدرات
وجا التاريخ.. جا اليوم الموعود...

دخلت سجى قاعة الإمتحان واستغربت .. اشكال البنات ما كنهم جايين يختبروا
اللي كنها جايه عرس .. وكم وحده لابسه نظاره شمسيه بنص الكلاس .. والعجب قايم.. قالت فبالها :
ــ جو الجامعات غير ... خخ اني متعوده عالمدارس..

ووزعوا الورق .. وابتدا الإمتحان
سجى مو بس حلت الا ابدعت في حلولها....

وانتهى الوقت .. وطلعت سجى ميته من التعب تقول داخله حرب من كثر الأسئله
وهي طالعه سمعت بنات يسولفوا.
. يا الله شهذا تدرون انهم ما راح يقبلون الا 50 وحده من اصل 180 لا و 45 وحده من هالــ 50 بالواسطه .. والــ 5 الباقي هوشه عالكراسي
ــ خخخ احلفي اجل كدينا خير .. اقول ورا ما نشوف قسم ثاني نترزز به مع هالوجيه
ــ ههههههه شكلنا والله فالهم هذولي ما يبشر بخير

سجى اكل قلبها الخوف .. ياعلي الله يستر
وبالفعل.. صار اللي كانت متخوفه منه
وما قبلوها... وانهارت صياح وحاله ,, ابوها ما سكت عالوضع ,, راح لرئيس قسم الطب بالجامعه..
قابله .. وطلب منه يطلع ورقة سجى .. طلعها .. وسأله:
ــ الحين بنتي حلها اوكيه والحمد لله .. ممكن نعرف ليش منقبلت
ــ والله لقينا بنات احق منها بالكرسي .. بنات ما شالله مبدعات
ــ وليش اجابات بنتي موماشي حالها
ــ الا.... بس في تفاوت بينها وبين غيرها ..<<<< حجج واهيه غير مقنعه !!!
ــ طيب والحل ؟؟؟
ــ والله يا خوي ما عندنا أي حل .. العدد اكتمل واكتفينا .. ممكن اذا كانت مصره وتبغى طب .. تسجل طب موازي..
ــ طيب وحكاية هالطب الموازي !!!
ــ هذا دراسه بس بفلوس بس تقدر تقول افضل والوظايف اضمن .و... و....<<< قرقر بربر حكي فاضي .. وتعبي يالمخاابي ..
ــ خير ان شالله..
ــ وعلى فكره .. ترى النسبه الأعلى نحطها بعين الإعتبار
ــ طيب .. بنتي كانت 99 ليش ما قبلتوها
ــ والله ...".سكت شوي مو عارف ويش يقول" .... والله ياخوي مدري ما عندك الا حل من اثنين .. يا طب موازي والا اذا عندك واسطه ممكن.. عميد الجامعه وقتها يقبل بنتك <<<< فيتامين واو .. وما ادرانا ما فيتامين واو ..
ــ على خير
طلع ابو صادق من الجامعه وهو يدعي عليهم وعلى ظلمهم ... كانت جى بالسياره تستناه..ركب ::
ــ ها يبه ويش صار
حكى ليها الموضوع...
صارت تبكي : ــ حسبي الله عليهم .. اني من دخلت قاعه الإمتحان وشفت اشكالهم اكل قلبي الخوف اتاريهم اهلات الواسطه عديمين الحس والضمير
ــ هدي يابنتي ابدبر لش واسطه وان ما لقيت بدخلش موازي
ــ لا يا يبه لا تذل لنفسك عشان هالواسطه الله واسطتنا ولا ابغى موازي .. اذا بيقبلوني يقبلوني بجهدي اني بتعبي مو بتعب غيري ولا ابغى منة احد .. وخلاص يا يبه ابريح هالسنه في البيت وما بقدم شي .. تعبتني هالسنه بالمره وان شالله الجايه على خير اقدم في مكان ثاني
ــ اللي يريحش يايبه سويه بس لا تحرقي نفسش انا مالي غيرش بدنيتي ريحي بالش يالغاليه
ــ خلاص يايبه لا تاكل هم ابريح .. الله على كل ظالم...

وبالفعل جلست سجى هالسنه في البيت .. سنه صارت طويله بالمره بالنسبه ليها
سنه تعذبت فيها بالمره ذكرت سنة التأجيل اللي قضتها مه قاسم .. وكيف كانت ما تحس بالوحده والحين وحده وضياع ... وفراغ عاطفي ..
وبخلال هالسنه وصل لسحى خبر افجع قلبها ...

خبر هز كيانها وجاب ليها القهر

>>>>>>>>> تبغوا تعرفوا ويش صار
.
.
.
.
.
.
.
.
.
.
.
الى الملتقى في الحلقة القااادمه














امززززززح .. هههه خفت منكم والله يمه بسم الله علي



اخذوا هالخبر

قاااسم خطب ريم... يا الهوول
وكيف ؟؟؟ اسمعوا .. اقصد اقروا هالسالفه ...

ــ والله ولدي متعبني حاله مهو حال من بعد ما ترك هالسجى وهو معتفس
ــ يوه يا خوي الله يهديك يبغى له بنيه .. بعد ويش تعود ويبغى له من يونسه
ــ ومين بالله عليش ياخيه .. ها دلينا عطينا رايش
ــ افا.. يوه لويش بنتي ريووم وين راحت
ــ بنتش ريم !!!
ــ يوه ويش فيك مختلع ليش ما تعجب .. مهي تارسه عينك
ــ لا افا .. ولو بنت الغاليه .. بس خلني اسأل قاسم اول واشوف رايه
ــ يوه بعد .. اقنع فيه .. احسن له من هالحال والله .. وريم بنتي ما راح تلاقي احسن منه <<<<<< يالكم من شلة اوغاااااااد خخخخ

قاسم ما فكر حتى .. كان الهم ماكل قلبه اكل.. ولا له خلق ولا شي .. من سأله ابوه قال له سوي اللي تسويه .. واللي يرضيك..
وخطبو ريم لقاسم وطبعا ما يحتاج اكتب ليكم ردة فعل ريم ,,,<<< الحمد لله والشكر خطبة هنود .. البنت هي اللي خطبت الولد ...للللللللللللللللللللوش..خخ

سجى انصدمت.. ماهان عليها الخبر ..×××××××
ــ ويش فيني خلني اعقل احسن لي .. قاسم مهو الي .. ليش ماني قادره انساه.. من جد حبيته ...ليش يجازي حبي بهالمعامله..لا ومين ريم.. طلعتي من تحت لتحت.. افا على ناس حويتهم بطيبتي ....

طبعا قاسم ما بغى يسووا حفله ولا شي .. وريم حبيبة الماما رضت بهالشي ما صدقت على الله يرضى وينسى يرجع لسجى...

واول يوم في الخطوبه دقت ريم على قاسم
ــ الووو هلا فوين انت
قاسم على سريره وفباله يرد" بلللل يالله صباح خير في المقبره يوم سمعت هالصوت.. ويش هذا لا صباح الخير لا تدليع لا شي على طول فقعت راسي بصراخها وتحقيق وين انت"
ــ اااه .. ممم على سريري والله نايم
ــ يووووه قعدتك
ــ لا وقفتيني..<<<<< مسخره خخخ
ــ لا بس ابغى نتغدى سوى اليوم هااا بتجي
ــ " بل بل مهي مصدقه على الله .. اااخ يا سجى .. كنت انا المتصل واحايل فيش تتطلعي وياي ثاني يوم وانتي مستحيه .. فرق ويش هالدفاااشه هذي " >>>> طبعا هالقرقر فباله..
ــ هاا ما رديت نمت
ــ لا بس جا عزرائيل واخذ روحي
ــ ههههههههه ادري من حلاة صوتي >>> خخخ بايخه
ــ " افففف ويش هذي بدل لا تقول اسم الله عليك والله رايقه" >> حديث جانبي
هااا ...ان شالله خير ..
ــ طيب استناااك ,,,,,,,,,<<<<<<< رجججججه ..
طااااااااااااخ
ــ يصقعش ,,, بللللل ويش هالطينه .. ياثقلها ...انا ويش لي .. افف يا قاسموه ابتدى مشوار القرف وياك.. ويش هالقراده.. الله يرحم ايامش يا سجوي
ويطالع اللوحه اللي كانت قدامه ما بقى فيها الا اللمسات النهائيه ...
كان متعلق بأشياء سجى .. ما رمى شي منهم.. كل شي على حطته .. واللوحه كان ناوي يهديها ياها في ذكرى حفلتهم بس اسف مرت بوقت المشاكل...
صار يناظر باللوحه وهو يقول
ــ ليش انا اسوي كذا.. انا خنتها.. بعتها .. تركتها.. والحين اطالعها.. هي الحين حرام علي ...
اخذ اللوحه وراح لفطوم.. وقال ليها
ــ وديها لسجى واتمنى تعذرني وتحللني

فطوم بكت من هالموقف .. وراحت بالخفا وبالسر لسجى ..
و
التقوا
من بعد غيبة سنه ...........
ارتموا
بالأحضان
وصاروا يصيحوا صياح..........

ويوم عطتها اللوحه .. سجى تبسمت ابتسامه بارده وقالت :
.
.

[almahroOoOom]

تسلمي زهووورة ع الرووااية الحلوة.,.
وربي يعطيك العافية.,
ونحن بانتظار التكملة.,.
تحياتي لك

[NoOr Al3YoOn]

تسلم محرومي على المرور

الله يعافيييك .. الله لايحرمنا من هالطله
تحياتي معطره من عبق الزهور

[NoOr Al3YoOn]

الحلقه الحادية عشره





: ــ توو الناس .. توه مخلصنها ,, تدري يا فطوم تراه خلص علي قبل.. بس الحين روحي رجعت يوم جابها ...واني نسيت اخوش ومحلل ومبري من زمان هو فطريق واني فطريق..
ــ اااه يا سجى .. ادري والله ادري .. بس ما باليد حيله ..

وفتحت سجى الدرج .. طلعت صندوق كبير مجمعه فيه الرسايل والهدايا وعلى القفل معلقه السلسال..
ــ من اول ما تركني واني ناويه اتخلص منهم .. قلت ابرجعهم له .. بس انتي كنتي ما تقدري تزوريني .. قلت ابرميهم.. بس قلبي ما طاوعني.. الله جابش يافطوم.. اخذيهم .. ورجعيهم له .. وقولي له .. محلل ومبري الذمه والله يبارك له ويهنيه بحياته..

فطوم حز في نفسها هالموقف .. خصوصا انها كانت الواسطه قبل الخطوبه واغلب هالهدايا هي بيدها اللي جابتهم لسجى .. والحين انعكس الحال.. وهي على حالها الأولي .. سابقا مرسول غرام,, والحين مرسول الآم...

ــ طيب يا غناتي ما يصير خاطرش الا طيب.. وسامحيني اني بعد والله اني مقصره وياش بس غصبن علي.. انتي ادرى بالحال.. بس ان شالله باحاول قد ما اقدر كلما احصل فرصه اجي لش .. واصبري يالغاليه ...

ــ ان شالله تسلمي لي يالغلا .. لا تخافي علي .. الا فطوم ما قلتي لي اخبارش .. وين سجلتي ويش تدرسي الحين..
ــ اني ... ويييي .. لا تذكريني بالقرف.. ادرس حاسب ..
ــ قرف .. وليش ..؟؟ صعب..!!
ــ يعني هو مو صعب بالمره.. بس يبغى له شغل وتعب.. من صوب.. ومن صوب ثاني الدكاتره وعععع وما يرحموا..
ــ اها.. الله يعين .. على فكره.. يمكن اسجل السنه الجايه وياش اذا ما حصلت شي
ــ يووه الله وترجع ايامنا الحلوه .. كان زين ياسجوي .. والله اكشنات الحاسب وحلو
ــ هههه ..هاااا.. من شوي قرف .. يوم بسجل فيه .. صار حلو
ــ ايه .. افا.. مو انت الغاليه وانتي الحركتات .. راح تحليه
ــ خخخ بس اسف ما بصير وياش بسنه وحده.. هذا الحين السمستر الثاني.. السنه الجايه انتين طايفتني على خير
ـــ خخخخ ... ههههه ... أي أي .. اقوول .. خلي الطابق مستور...
ــ يوه لويه... ويش صاير
ــ مو السمستر الأولي الله يخلف علي وعلى حظي .. حملت 3 مواد.. باقي بس ماده وابقى لأعادة السنه.. واني بهالسمستر مو شاكه بماده الا بأربع مواد خخخ يعني باقيه باقيه .. وادق صبع بعد.. فوياااكم ...
ـــ ههههههه حسبي الله على شرش يالبطيخه.. هااا وين ايام المدارس وايام الصياح على النص علامه ..والمراكض ورا الأبلات على كل ربع يطير .. هااا ..ويش حل عليش
ــ خخخ... خيرتش تسجلي على خير بالزريبه.. ااااقصد الكليه وتشوفي .. وصدقيني بتشووفي الفرق.. وان شالله تجربي وتتوفقي ...يارب
ــ يارب .. على خير ان شالله
ــ والله يا سجوي القعده وياش ما تنمل .. وواحشتني مووت بس ويش اسوي مضطره امشي.. انتبهي لروحش غناتي .. وبينا اتصال ها.. واني باحاول بين كل فتره وفتره كلما سمحت لي الظروف اني ازورش زين يالغاليه
ــ تسلمي لي فطوم الله لا يحرمنا من بعضنا
ــ يالله ياكريم...

وودعوا بعضهم وداع مو مثل كل مره .. وداع راح يطول اللقا من بعده.. >>> قاسيه يا دنيا .. وما ودوعنا غير الحبايب..

جلست سجى تتأمل اللوحه.. كان راسمنها بالمائي..ودقيقه بالمره.. هذا يدل على انه فنان .. لأن الرسم بالمائي صعب.. ويبغى له خفة يد... من جد مبدع وفنان راسمنها زين وطالعه اللوحه بالمره فظيعه.. جرت دموعها على خدودها وصارت تكلم نفسها:
ــ ايييييه .. والله وقت ياقاسم قعدته وانت ترسمني. اااه كل هالوقت عشان ترسمني عدل... ياليتك عرفت كيف تحافظ علي عدل..

وشوي قامت واخذت اللوحه..
ــ اعذرني ياقاسم.. لوحتك هذي بتجدد لي الذكريات.. واني ابنساك.. اعذرني
وراحت تحرقها .. وتحرق معاها كل الذكريات...

اما قاسم .. يوم وصل له الصندوق انفجع قبل لا يفتحه يوم شاف السلسال معلق بالقفل.. فتحه وبقلبه حسره .. وصار يقلب في الهدايا والمراسيل .. ويتذكر موقف كل وحده فيهم.. والمناسبه..
ــ افا ياسجى.. ترديهم لي.. بالمره نهيتي اللي بينا.. لكن انا ممكن اتنازل عن كل شي وارد لش كل شي .. الا صندوقش الغالي .. هذا بسيارتي راح يظل لين اموت..

..و اعتلت حياته غمامة الهم.. وزود عليه الضيق.. كثر مقارناته بين ريم وسجى.. كانت ريم انسانه تهتم بالسطحيات بعيده كل البعد عن التعمق .. فهمها بطئ.. عمرها ما فهمت قاسم ويش يبغى دون ما يطلب.. كانت تعجبه فطانة سجى وذكائها وسرعة بديهتها .. كانت تعجبه شدة ملاحظتها وكيف تفهمه من نظرة عيونه..
وهو مع ريم اذا ذبل الحزن عيونه.. قالت له.... رووووح نااااااام...!!!

ريم ما كانت تهتم بنفسها كثر سجى.. صحيح ما تاخذ الا من الغالي بس .. على قولة قااسم لفطووم: ورا ما تعلموا سحيله ام الخلاقين كيف تلبس...

كانت تعجبه بساطة ونعومه سجى..
ودوم هالمقارنات في باله.. هلكته.. وقلقت راحته .. .. ومن كثر الهم رجع يدخن .. بعد ما سجى خلته يبطل... من خوفها عليه ,,
لكن الحين سجى راحت.. وراح الخوف والإهتمام... ولا يحق له يعتب .. لأنه هو السبب... فهو اللي قلب حياته بيده لجحيم...

وبيوم.. وصل لسجى مسج....
"لا تحسب ان اللي بقلبي لك شوي...ولاتحسب انك انسان مر ونسيته,,, انت لي جنه ولعيوني الضي..وانت لقلبي مسكنه والراحه وبيته..حلفت لك ..ما انساك ما دامني حي..
وشلون انسى اصدق قلب في عمري حبيته..."
وكان المرسل .. قاسم...
سالت دموع سجى..
ــ حرام عليه اللي يسويه فيني.. ليش يعذبني.. انتهينا يا قاسم.. انا وانت انتهينا.. وعلى حبنا ... بكينا...

" انا ما عدت مثل لول وين مارحت انا اروح
لا تقصر لا تطول صرت لي شوية جروح
تركت حبك للأبد بعد ما كان لي بلد .. واكتشفت ان مالي بك مكان.. لأني ماكنت لك .. اية ...احد... قاسم انساني ... واتمنى تمسحرقمي.. وتمسحني من حياتك اتمنى لك حياة سعيده يا اخوي."
ــ اااه.. ياسجى.. صرت لك اخو..خلاص ضعنا.. والله انا الي استاهل.. انا اللي ضيعتش... اااااه على حب ضيعته بيدي.. صحيح ما استاهلش انا.. الله يسهل لش ياغناتي...
قال هالكلام بعد ما قرى مسج سجى .. قاله وبقلبه الغصه والحسره..
ومسح الرقم...
وبعصرية الإثنين... بين ما كانت سجى تطلع تلفزيون
دق جوال ابوها.. قامت توصله لبوها.. طالعت الا المتصل ماجد
ــ خير اللهم اجعله خير... يبـــه... يا يبـــه.. جوالك يرن.. ماجد
جا ابوها
ــ خير ان شالله عساه خير >>> مو طاري هالماجد حق المشاكل.. خخ مسكين
ــ الو مرحبا .. ياهلا ماجد
ــ ياهلا عمي ..مراحب
ابو صادق فباله ..؟؟؟ عمي ..؟"؟
ــ هلا يا ولدي .. اخبارك وعلومك ويش مسوي
ــ الحمد لله يا عمي .. بس ابغاك بسالفه اذا ما عليك امر
ــ تفضل يا ولدي عزيز وغالي .. خير امرني بس
ــ ما يامر عليك ظالم.. الليله ان شالله اذا ما وراك مشوار بمرك البيت انا واخوي يعقوب..
ــ حياكم الله البيت بيتكم..

يعقوب.. اخو ماجد.. ارمل وله بنت جنان بالثالث متوسط بنت هاديه .. وطفوليه بالمره وصايره انطوائيه من توفت امها..
.. وولد واحد يوسف بالجامعه السنه قبل الأخيره .. ويدرس بالبحرين.. هروبا من عمه ماجد..×× كانوا دوم على خلاف..

ــ خير يابه ويش عنده ماجد..
الأبو شاك بالسالفه..
ــ لا خير ان شالله الليله بيجينا هو واخوه الكبير ما ادري ويش عندهم .. عساه خير ان شالله...
وودع النهار .. وشرف الليل ... وجوا على موعدهم
ــ يا هلا حياكم الله تفضلوا والله زراتنا البركه
ــ الله يحييك يا ابو صادق البركه فيك ,, يا اخوي الله يشرف ويعز مقدارك
ــ الله يسلمك يا بو يوسف .. اخباركم واخبار الأهل
ــ الحمد لله على كل حال .. نحمده ونشكره
ــ الحمد لله .. حياكم الله ..
ــ ااا.. والله يابو صادق خلنا ندش في الموضوع على طول.. وبدون مقدمات.. والله ياطويل العمر جايين طالبين القرب منك . نبغى بنتك المصون لأخوي ماجد... ولا بنلقى احسن من اصلك وفصلك يا اخوي
ــ والله على عيني وراسي .. وماجد عزيز وغالي بس اسأل البنت ونرد ليكم الخبر بعد كم يوم.
ــ ايه اسألها حقها والله .. واحنا اللي تأمروا عليه ..
ــ الله يسلمك يا اخوي .. ان شالله خير والله حتى بنتي ما بتلاقي احسن من ماجد رجال والنعم فيه..
بس اسألها..
ــ ان شالله .. يللا ننتظر منك اتصال ويارب يفرحنا
ــ ان شالله على خير
وجلسوا يسولفوا شوي ... وبعدين طلعوا .. وابو صاادق طيااااااري لسجى
ــ سجى يا غناتي .. والله انا اتمنى افرح فيش قبل لا اموت
ــ بعيد الشر عنك يا يبه.. اسم الله على عمرك.. لويش تقول كذا
ــ ايه والله يبنيتي خاطري اشيل اولادش وافرح بهم..
ــ ان شالله تشيلهم وتفرح بهم .. والله لأخليهم معسكرين 24 ساعه عندك لين يفقعوا راسك بعد ويش تبغى اثر من كذا ...<<< كانت شاكه بهالزياره وعارفه زين ما زين ويش عنده ابوها .... بس ما تقول لي بلا هاللف والدوران .. هااا ويش صــــــــاايــــــــر..!!!
ــ ههههههه..ابصم بالعشره.. الا ابصم باصابيع ارجولي بعد وياهم .. اذا ما كنتي فاهمه السالفه
تلون وجه سجى خجل.. ايه فاهمتنها...
ــ وويش رايش
ــ ما ادري اني الحين موافقه.. منا لبعد كم يوم.. نشوف .. ابفكر .. مدة تسأل عن ماجد.. وان شالله خير
ــ ان شالله .. بس يابنتي فكري عدل,, ماجد اكبر منش بـ 10 سنين.. انتين بعدش توش بنيه ..وهو رجال ناضج...فكري زين
ــ ان شالله يا يبه... ومروا اليومين ..
ــ هلا ابو يوسف
ــ يا هلا ابو صادق .. ها بشرر
ــ البنت موافقه ومبروك عليكم
ــ الله يبارك فيك.. ويسعد ايامك مبروك عليك انت بعد يا اخوي
ــ الله يبارك فيك ويخليك..
ــ يللا اجل انتظرونا هالخميس راح نعقد .. ونحدد متى الحفله
ويجي لأبو يوسف فلصه من ماجد .. وماجد مكشر ويأشر .. لالالا.. <<< يوم طروا الحفله... خخ مع انه ما عليه تكاليف شي فيها الا الضيافه... لا حوول طلع الرجال فيه بخل..
ــ لا يا اخوي تسلموا البنت ما تبغى حفله .. بس جمعه عائليه ويعقد عليهم وخلاص..
ــ ما تبغى حفله.. على كيفها براحتها يا اخوي...
ماجد على جنب تنهد مرتاح .. يوم جت منها....

وجا يوم الخميس .. وجا لبيت ابو صادق . ماجد وابويوسف وجنان .. وكم واحد من اهلهم وجيرانهم ...
وعقد الشيخ عليهم..
ويوم جا ماجد لسجى...
جاها ايده خااليه يصفق <<< وين الباقه يا اخي .. توك تشوفها شوي جامل خليك حركتات... بللل عليك.. بعد رحمت بحالك ما سووت حفله !!
سجى استغربت من هالحركه.. وطنشتها..قالت فبالها الرجال عاقل وما تهمه الشكليات.. بس اللي حز في نفسها طراطيش كلام من بعض الجيران >> ناس فاضيه ما يهما الا القرقر..
ــ يووه طلعي جاي ليها وايده خاليه.. والله عجيب
ــ ايه تذكري خطيبها لولي قاسم.. جاها مو قادر يشيل الباقه من كبرها وحلاوتها.. شكله هذا بخيل .. الله يعينها عليه
كلمات اثرت في نفسية سجى بالمره...
وطبعا.. لاننسى قاسم .. اللي وصل له الخبر مثل الصاعقه.. كانت ريم تترجاه اسبوع يطلع وياها.. ويوم حدد ليها ما حدد الا ليلة الجمعه.. ليلة عقد حبيبته الأولى والأخيره.. كان متعلق بوهم.. يظن انه فيوم ممكن راح يرجع ليها .. بس هالليله طيرتها من بين ايده.. قفل على روحه الباب ..ويوم دقت ريم تحجج ليها انه تعبان.. وقفل الجوال .. وقفل كل ذكرياته .. على سجى .. وصار يقلب شريط حياته معاها والحره والحزن ماكلين قلبه....

[NoOr Al3YoOn]

الحلقه الثانيه عشره




في مجلس ابو صادق.. جلست سجى مع الخطيب ماجد... تنتظر انه يحرك ساكن .. كان السكون مخيم عالمكان.. وماجد ما تكلم ولا كلمه .. سجى اعتبرت الوضع عادي .. قالت الرجال مستحي وخجلان ومو عارف ويش يقول.. وجا على بالها قاسم اللي ماسكت هذيك الليله من المدح فيها والبوح عن كل شي بقلبه..
ــ اوووه خلاص ليش افكر في قاسم هذا.. اني الحين على ذمة رجال ثاني وبعده يطري علي .. لا.. لازم انساه .. لازم امحيه من حياتي..
ــ اااا.. احم.. الا ويش تدرسي الحين..؟؟
سجى استغربت ..خخخ اول ما نطق سأل هالسؤال.. يللا مو عارف ويش يسولف ويش يقول .. زين تكلم..
ــ ولا شي .. للسنه الجايه على خير
ــ اها .. احسن.. بعد لو السنه الجايه تبطلي خير شر .. ويش لش بالدراسه..
استغربت سجى بالمره.. الحين ماجد المثقف العاقل .. يقول كذا.. عجيب .. واللي زود العجب .. انه ابدا ما سألها ليش يعني ما تدرسي الحين؟؟ .. عالأقل ويش ناويه السنه الجايه على طوول..طااخ قفل الموضوع .. احسن ...!!!
مرت ساعه وكل عشر دقايق يطالع السيد ماجد بساعته.. سجى ما ارتاحت لهالوضع .. ولا.. لاحظ ماجد عدم ارتياحها فقطع الهدوء وقال:
ــ والله بكره عندي دوام ولازم افتح المكتب عندي كم قضيه مهمين ما يتحملوا التأجيل فمضطر اني امشي الحين ..
ووقف.. يللا فأمان الله ..
سجى وقفت ومره مذهوله...
ــ ح ي ا ك الله .. تقطعت تقطيع يالله طلعت..!!
ورجعت جلست..
جاها ابوها..
ــ خير ويش فيه .. عجيب ما اخذ ساعه على بعضها وطلع
ــ لا بس عنده شغل ضروري بكره
ــ اف .. والله عجيب .. الليله عقده ......اااااااااا..... يللا الله يوفق له...
ماحب ابو صادق يزود على بنته الضيق...
ــ عادي يا بنيتي الرجال هذا شغله وهو ملزوم يتكفل به اول بأول ..
ــ ايه عادي يا يبه .. ما قلت شي اهم شي شغله..
وفبالها .. عالأقل بس سولف شوي وياي جاملني لو ربع ساعه وبعدين راح عشان شغله...<<<<< يللا دا قدرك ونصيبك.. ونصيبك حيصيبك ... صرنا مصاروه..خخخ

ــ بس طالعه يابنيتي ويش حلاتش الليله .. منوره تقولي للقمر فارق بقعد محلك..
ــ هههه تسلم لي يالغالي .........<<< وبالنفس شكوى: ليته ماجد قال لو ربع هالكلام... بس يالله مصير الأيام يا تعودِه ...يا تعودني على طبعه..

مر اسبوع .. والسيد ماجد لا حس ولا خبر ..
ــ يبه سجوي .. ليش ماجد ما جا من هذيك الليله .. ولا دق عليش ابد.. صارحيني
صار شي ..خلاه يطلع بدري ولا يسأل لليوم وانتين خاشه علي..
ــ لا والله يا يبه علمي علمك.. بس ويش اسوي .. اتصل اني غصب اسأل عني..
ــ مممممم .. لا.. اتصلي اعزميه على غدا والا عشا...وشوفي
ــ ان شالله
ــ بلللل .. صكني بزي " قفل بوجهها" ..!!!
ــ الله لويش .. يمكن عنده شغل...
ــ يمكن يللا ما عليه.. بس لو يحطه صامت .. احسن من هالحركه..
ــ يللا نسى الرجال.. <<< يللا ويللا .. ياكثر ما تتعذروا له ورددوا رددوا يــــاليل ما اطولك !!

وبعد ساعه دق سي السيد..
ــ هلا غلاي...
ــ هههه غلاش ... انا دلع هالمراهقين ما يمشي وياي.. ماجد والسلام عليكم خير دقيتي ويش عندش..
سجى فبالها ..بللللللللللل.. ويش هذا العاده يطلبوا من الخطيبه يالله على كلمه وهذا يصفعني مايبغى .. لاااا.. وويش عندش بعد.. ما اقول الا الله يساعدني عليك..
ــ الووو وينش... اقول دقي على رقم المكتب ...
طااااااخ
ــ الله ياااعلي .. ما اخذ دقيقه .. خاايف عالرصيد.. ويش هذا.. انا لله...
وتدق سجى الرقم بالتلفون ومره مقهوره شوي وتدخل حبات الأرقام داخل
ــ الو .. مرحبا .. مكتب المحامي ماجد .. مين معاي
سجى ارتبكت وفبالها.. بللل ياعلي سكرتير يرد علي عادي ولا اعرف اتصرف وويش اقول عادي .. اما يكلف على عمره دقيقتين بالجوال لالا مو عاادي
ــ ها... ااااا.. السلام عليكم اخوي ..ااا ممكن اكلم ماجد..
ــ وعليكم السلام ياهلا .. نقول له مين
ــ اااا.. الأهل..
ــ ان شالله
ويحول المكالمه لماجد
ــ الو نعم
ــ الله ينعم عليك.. ياهلا
ــ مين معاي ؟؟
ــ مين معاك !! اني سجى
ــ ايييه صح .. نسيت اني قلت لش اتصلي عالمكتب .. <<< الله ياساتر ما مداك خخخ
ــ عادي حصل خير
ــ المهم ويش عندش
ــ لا بس كنت ابسأل عليك و..
ــ بذمتش .. بذمتش... الحين وقت سؤال.. عاد ياسجى انا ابلفت نظرش لشي مهم عندي .. انا الوقت اللي اقضيه بالشغل ما احب احد يتصل علي الا للضروره القصوى والطوارئ
سجى اختلعت منه ... يمه منه ويش فيه هذا الفك المفترس ما عنده اسلوب ..
ــ الووو .. وينش
ــ هلا معاك.. اسفه ازعجتك..؟؟
ــ المهم .. عندش شي غير السؤال؟؟..
ــ اااااا.. اذا ما عليك كلافه ممكن تشرفنا يوم تتغدى عندنا ..<<رحم الله ايامك ياقاسم .. يا معسكر بدون عزومه .. يا اذا كنت مشغوول تصرخ سجى تجي تجي تفضي حالك ومو شغلي ....!!!
ــ طيب اشوف حسب جدول اعمالي.. اذا ما عندي شي مهم ارد لش خبر ... غيره..؟؟
ــ ولاشي سلامتك..
ــ يللا فأمان الله
ــ حياك الله..
نزلت سجى سماعه التلفون ببرود .. ممزوج بغصة قهرر.. ليش هذا كذا.. لوح ما يحس.. ما يفهم...وتصير توعي نفسها :
" اصحي ياسجى.. اذا قاسم كان يدلعش فماجد غير عنه 180 درجه.. اصابع كفوفش مو سوا.. اصحي .. لا تقارني بتتعبي كذا"

ــ ها يبه ويش رد عليش بيجي؟؟
ــ لا للحين ما رد خبر يقول على حسب شغله وظروفه
ــ يللا اعذريه يابنيتي مشاغل الحياه والرزق لزوم الواحد يركض وراه .. وفباله يقول: الله يعينش يابنيتي على هالصخر..
ــ هههه << ضحكه مو من قلب...عادي يايبه مقدره وضعه وظروفه..

وبعد ثلاثة ايام قرر السيد ماجد يشرف .. سجى ما صدقت على الله وتكشخ وتعدل .. وسوت الغدا حركتات مرررره ...
ــ مممممم .. والله تسلم ايدش يابنيتي خووش غدا ..
ــ الله يسلمك يايبه.. فيه العافيه ..
ــ الله يعافيش

ابو صادق متعود على طباخ بنيته .. بس يبغى اللوح اللي قاعد قدامه يتلحلح وينطق له كلمة شكر مدح شي ما شياات.. ولكن لا حياة لمن تنادي .. ما يسمعوا منه الا ضرب الملعقه وملاحق النفس .. يا ويلي منه طووفه..

ــ هاا يا النسيب.. ماقلت لي ويش رايك بطباخ سجوي
ــ والله زين لا باس .. ماشي حاله .. زين تعرف تطبخ عن المخاسير ..ههههههه

>>>؟؟؟؟ !!!! ×××× <<< طلعوا فوق رووس سجى وابوها ..خخخ افلام كرتون ..

ــ الحمد لله رب العالمين <<< انسدت نفس ابو صادق تنرفز من هالحطبه...
ــ عوافي يبه
ــ يعااافييييييش بنيتي وتسلم اييييييييييييييدش ...>>>> يبغى بس يحرك هالصنم..
يوم قام ابو صادق .. راح ياخذ له غفوه بعد الغدا
سجوي قالت مدام ابوي قام.. خلني ادلع هالرجال
ــ تفضل حبيبي من ايدي..
مد يده واخذ الملعقه من ايدها وقال:
ــ هالمره باخذها من ايدش .. قالوا لش ياااهل صغير .. تلقميني .. فيني ايادي .. وبطلي هالكلمات المايعه حبيبي وما ادري ويش .. ابوأحمد انا .. ناديني كذا <<<< ياعلي ... صدق جاااف..ومصفع..
سجى تفشلت وجتها غصه وياكثر الغصات اللي جتها بهاليومين
ــ ان شالله يابواحمد...
وضلت تقلب بالملعقه في الصحن والدموع طاغيه في عينها لاهي راضيه تطلع ولا هي راضيه ترجع .. وحالتها بالمره تكسر الخاطر لين شبع قرقوش زمانه..
ــ الحمد لله
ــ عوافي
ــ يعافيش... يللا ما بطول شوي وابطلع
ــ وين بتروح؟
ــ نعم.. ههه حلوه وين بتروح... لا يا بنت الأجواد.. هالسؤال ما تسأليني وياه هااا
تيييييك كيييييير .. اوكيه.. <<< مااالت عليك تيك كير بعد..×× امحق ويا وجهك..
ــ ان شالله
قامت سجى تلم الصحون وهو راح يغسل .. جلس بالصاله شغل التلفزيون على قناة اخبار وصار يطالع برنامج حواري ساخن ....
جت سجى جلست جنبه.. ربع ساعه... نص ساعه... لا حوول ولا كنها موجوده
دق جواله حاط له حضرته ملاحظة تذكير...
ــ اوه من متى انتي هنا
ــ من زمان من اول ما بدت الشبقه بالبرنامج..
ــ ما انتبهت لش .. عموما باروح عندي شغل .. يللا فامان الله
ــ حياك الله
هو طلع من هنا .. سجى مسكت مخدة الكنب من هنا .. ضمتها واشتغلت صياح..
وطلعت كل الحره اللي فيها .. وشوي هدت.. ومسحت دموعها
ــ يارب ساعدني .. دخيلك .. اتمنى تتحسن احوالي ..يارب ..
وبعد اسبوع .. دق ماجد <<< عاد هذا دقاته اسبوعيه..
ــ هلا ابو احمد <<< والله حاله بدل الدلع كبرت البنيه ..
ــ ياهلا .. شعندش بكره..
ــ ولا شي <<< استانست بيطلع وياها يمكن ..
ــ طيب اجهزي .. بكره من الصبح باطرش السواق يجي ياخذش .. اخوي ابو يوسف عنده مزرعه وبكره بيروح هو مع بنته جنان مع يوسف ولده .. وجنان ما تبغى تقعد لحالها .. روحي وياها .. وانا ها.. ها.. اذا مداني جيت ليكم اوكيه
خابت امال سجى
ــ اوكيه
سكرت السماعه..
ــ والله حلوه مزرعه .. وجنان فرصه اتعرف على هالبنوته شكلها كيوت.. بس هذا ليش كذا دوم ما يعبر ولا يهتم .. لاااا وبيطرش لي السواق.. عجيييييييب...
ويوم ثاني .. بالصباح دق السيد ماجد
ــ هلا سجى.. اقول السواق مشغول ابو يوسف راح وياه يشتروا حوايج.. بيمر عليش يوسفوه مع اخته جنان .. عاد انا لو القى غير هاليوسفوه كان طرشته ..بس يالله اسمه بيروح ..
وما اخذ ماجد ربع ساعه من سكر.. الا يوسف وصل
طلعت سجى.. وركبت السياره ..
ــ السلام عليكم
ــ وعليكم السلام والرحمة والإكرام ياهلا بمرت عمووو << هذي جنان
ــ ياهلا مرت عمي .. حياش الله << يوسف..
يوسف كان شخصيه مرحه وحبوبه بالمره .. ورومنسي .. وشخصيه روعه.. ومعلوم خفة الظل والرومنسيه .. تتنافر ××× مع ثقل الطينه والجفاف .. لذلك كان عمه ماجد مو اوكيه ويااه ... فطول الطريق ويوسف سوالف وضحك ..
و .......

[NoOr Al3YoOn]

الحلقة الثالثة عشره



ــ هي جنانوه يالبطيخه سكري النافده يللا عاد من زين الجو المكيف شغال

ــ يسفووه.. اسكت عاد انت خايف عالحرير لا يطير .. خليني اشم هوا ربي بين هالمزارع
ــ صكيها لا اصكش طراق ايهييييي.. هذي اللي بتخرب مكيف السياره .. جديده يالدبه .. هذي لكزس مو عراوي لو عراوي ركبتش ورا وخليتش زي الغنمه تشمي هواا ...خخخ.. كان تصيري رقيــــــــــــه ... ونغني لش طاش طاش ..طاش ما طاش
ــ زين يا النحيس يالدب اني رقيووه هااا .. اقول النافده ماني مسكرتنها .. وشعرك ما بيقبع ..خخخ وين يقبع ونص غرشة الجلي فيه .. حق الدبان يلصق الحين.. رايح مزرعه ويتميلح بعد .. وععععع.. مالت
يوسف يضرب راس جنان بأصابيعه زي التيله.. وهو يضحك
ــ ااي .. قالوا لك تيله اني .. نحيس ...
ــ يس ..هههههه واكبر تيله ...
ــ يوووه .. الا تعال.. ترى مرت عمنا ويانا يالدب .. والله فشلتنا
ــ اوووه .. هههههه اسفين مرت عموو .. ويفلص جنان وهو يطالعاها على جنب ويهمس : غربل الله شرش فشلتينا .. نسيت انا ..ــ اااااااااي... كله منك انت ...
سجى:ــ هههههههه لا عادي اخذوا راحتكم...
ــ لالا .. تكفي لا تقولي اخذوا راحتكم.. اخاف يحدفني من هالنافده.. ما تسوى علي
ــ هههه ..اه.. افا .. انا.. احدف جنوني..
ــ جنوني دبتك.. أيه مو انت مخبل .. اجل جنوني..؟؟ جناني يالمفهي.. امحق تدليع اللي عليك..
ــ افا .. اللحين يسووف ما يعرف يدلع .. افا افا..
ويصير يدلدغ اخته ..ــ وخر اصابيعك هالمسامير .. اهووو فارق عني..
ــ يللا عاد خيتي بلا دلع .. وربي مالي غيرش ولا لش غيري.. احبش والله
ــ ...................
ــ طيب اوريش...ويفتح نافدته:
ــ ياااهنوووووووود ياللي بالمزاااارع .. خلوا عنكم الرويد والبصل .. اسمعووني
انا احب جنااااااانووووه الهبله.. احبهاااااااااا
جنان تكفخ فيه وهي تضحك
ــ ههههههههههه خلاص مالت عليك درينا ايه مو ما بتصارخ الا بهالطريق الزراعي ما ادري ويش فهم الهنود ..ههههه لا ..ورويد وبصل هاااا... اقول ترى ماني حبيبتك..
ــ خخخخخ .. ادري ليش حبيبتي باقول ليها رويد وبصل .. لا طبعا
ــ بــــــــــــــعد ... حسبي الله عليك...ههههههههههههه
ــ خلاص مو كأنا مصخناها .. ام احمد ويانا عيب <<< يوسف تحرج يناديها سجى وهي مرت عمه.. وطويله عليه قولة مرت عمي ..
ــ هههه لا عادي تونسوا عن طول الطريق والله
ــ هههه سجى ترى يوسفوه كله كدا يتمسخر .. بس مو جاد يعني يحبني
ــ خخخخ .. خايفه على عمرش .. لا ما احبش
ــ اتحداااك
جنان مع انها هاديه .. الا مع اخوها .. تفرط خصوصا انه ما يكون وياها وقت طويل..هو يدرس في البحرين و ايام يرجع البيت على حسب الوقت وايام يظل بالسكن الجامعي .. فتفرط وياه من تشوفه ما تصدق على الله.. هي مثل سجوي وحيده بالبيت ..
وعلى الرغم من انها انطوائيه بعد.. ما تحب الإجتماعات وايد ولا تحب تفضفض بهمها .. الا ان اخوها عندها غير بالمررره..
فكان هذا الشي المشترك لتحصل علاقه حلوه بين جنان وسجى .. الوحده..و الكتمان..وظلوا يسوفوا ويوسف طايح بجنان مسخره ومجاكر وهي ترد له الصاع صاعين ..ظلت سجى تضحك متونسه وياهم طول الطريق .. وشوي سكتوا... مر ملك...اللهم صلي على محمد وال محمد... سكتوا يجي ليهم ربع ساعه وبهالربع..
سجى .. لازم تخالط لحظات سعادتها ريحة احزان.. تذكرت حركات قاسم مع فطوم .. يالله شقد يوسف زي قاسم بهالحركات.. والله دنيا .. وحست بحلاوة وجود اخو عند البنت.. يواسيها ويسليها .. ااااه ياخوي ياصادق.. عصفور.. ملاك بالجنه ياحبيبي.. وقرت الفاتحه لروح امها .. وشردت بهمومها ...
الا على صوت يوسف يناديها
ــ ام احمد...ام احمد.. الله .. جنانوه .. شكلها مرت العم نامت .. داخت من هدرتش..
ــ ههه ايه يصير خير
ــ هلا .. لا ما نمت ...
ــ لا بس بتليقف شوي
سجى استغربت من يوسف .. بس قالت يللا اشوف ويش عنده
ــ ما عليش منه سجى ما ينعطى وجه ..
ــ اقول اسكتي .. أي بالله بحدفش بهالسد ويا الضفادع ان ما سكتي
ــ يمه .. اسم الله علي .. يالضفدع العود..
ــ ماعليش منها ام محمد .. مممم عاد بكيفش تردي على سؤالي والا لا.. براحتش ..انتي ... تدرسي؟
ــ حاليا لا.. بس على خير السنه الجايه اذا اسعفتني الظروف
ــ اها... ويش كنتي ناويه .. وويش على خير بالجايه
ــ طب .. بس ما حصل نصيب .. الجايه على خير حاسب الي
جنان : الله .. كمبيوتر .. حليوو والله .. والله يوفقش
ــ جميعا تسلمي غناتي
ــ الله يسلمش
يوسف: اهاا..لا انا بعدني فيني لقافه.. طب؟؟ ليش ما قبلوش...نسبتش مو لهناك
ــ الا.. بس قصه طويله
ــ عادي نسمعها بالتفصيل الممل.. احسن من الشباق ويا جنان.. من ركبنا يا ام احمد وانتي هدوء ..
سجى ارتاحت ليوسف.. حست من زمان ما سولفت وفضفضت .. بس ما كانت حابه قولة ام احمد هذي.. تحسسها كنها وحده كبيره.. وهي لسا.. بس يالله حكم القدر...<<< خخخ الا حكم قرقوش...
وحكت سجى القصه بالتفصيل
لين وصلت لرغبتها بالحاسب وتنهدت
ــ اااه.. بس شكلي يمكن حتى الحاسب ما اروحه..
جنان ويوسف: لويــــــــــــه؟؟
ــ ههه لا ولا شي السنه الجايه بتزوج وبرتبط بيت واولاد .. مسؤليه
ــ بس ياسجى اني اعرف وحده تصير لينا خلصت الجامعه وهي متزوجه وعندها 3 اولاد وما شالله تقدر الوحده توازن ..
ــ ان شالله...
يوسف ساكت .. يدري ان مو هذا السبب اللي خلى سجى ما تفكر بالدراسه من طريقة تبريرها وضحكتها مو من قلب..و مهي عارفه ويش تقول .. عرف ان عمه هو المطبه وهو المشكله ..وفباله صار يقول : يالله شقد غثييييييييييث.... انا دراي به ..وربي حرام ياخذ هالبنيه..
يوسف:ــ يالله.. شقد ظلم.. انا الله فكني يوم اهج البحرين.. حتى لو الدراسه بفلوس.. ابعد وارتاح
سجى جا ليها فضول وفلتها شويه ويا يوسف
ــ ترتاح من ويش؟؟
ــ هااا .. من هالعالم الأديه...<<< وهو كان فباله من هالعم الأديه..
كان ابو يوسف رجال كبير .. وما عنده اخو الا ماجد .. ماجد كان دوم يحن على راس اخوه .. انتبه لولادك.. بنتك مراهقه.. لاتطلع منا .. لا تلبس كذا.. لا تحط كذا..
ولدك ليش يدرس في البحرين..؟؟ ويش عنده...ياخوفي ما يدرس ..
يعني ممكن يكون كل هالزن لمصلحتهم.. بس الزايد ناقص وهالشي مطفش حياة يوسف لأبعد الحدود ..
وشوي .. وصلوا للمزرعه ... بعد مشوار ساعه تقريباً...فتح الهندي باب المزرعه..
وكانت قطعه من الجنه.. ما شالله رهيبه.. خضرة وبركه سباحه .. وحيوانات.. بالمره تجنن..وفيها فيلا ... يعني بالمختصر عزبه.. تصلح للواحد يغير فيها جو..
نزلوا من السياره...وسجى كانت مستانسه خذت نفس عميييق...
وصارت تتمشى... رافقتها جنان .. وصاروا يسولفوا...
ــ باروح اتمشى ويا سجى
ــ وانا بتخلوني لحالي قطو ..هنا..؟؟
ــ خخخ ويش تبغى نسوي لك فقعت راسنا بالهدره في السياره اقعد ..لِم لك شلة القطاوه .. وحشتهم يالزعيم
ــ اما انش .. يبغى لش تشميخ..انما ايه.. بس مو هنا ,, بعدين
ــ يمه .. قطو ما عليك شره..
ــ يعني بتمشوا وباظل اقرقر ويا الهندي..
ــ خخخ ويش تبغ نسوي لك.. نحملك فوق روسنا .. ويش هالحاله
سجى قامت تضحك..
ــ خلنا قاعدين لين يجي ابو يوسف وبعدين نخليهم..
ــ مو على كيفه .. امشي ما عليش منه..
ومشوا .. وصارت سجى تسمع سواليف ايام متوسط مع جنان وتتذكر هالمرحله .. ويضحكوا..
شوي الا يوسف ينااادي:
ــ جنااانوووه لووووز .. الحقي والا باكله كله <<< الأخ مل لحاله يبغى ونس .. دور وسيله تضعف عندها جنان..
ــ والله ان اكلته با نتفك ريشه ريشه.. .. دقيقه احنا بعيدين..
ــ ههههههه .. راح عليش ..
ــ جنان قامت تضحك..: ههههههه يالدب .. اقطع لي غيره...
جاها يوسف من بعيد حامل سطل مليان لوز...
ــ لووووز... مممممم... لوووووووز...هههههه
ــ يا نحيس ,, عادي نقطع لينا الحين...
يوسف يبغى يسوي جو اكشن ..
صرخ وهو يأشر تحت ..
ــ وزغـــــــــــــــــــــــــــــــــــــــــــــــ ـــــــــــــــــــــــــه...
تراكضوا سجى وجنان .. والصريخ قايم...
ويوسف يكركر ضحك ..ومن السرعه .. التوت ارجول سجى وطاحت على طابوقه.. وجنان راحت بعيد..
سجى تعورت مووت ,, وصرخت :: اااااااااااااااااااه
يوسف رمى سطل اللوز وراح يركض ليها مو عارف ويش يسوي..
وهي تصيح. رفعت غطاها بعفويه تطالع ويش صار برجولها.ــ اااي ماني قادره اقوم.. شكلها انكسرت
يوسف قعد على ركبه قريب شوي
ــ حركيها..
ــ اااي ماني قادره .. ودموعها تسيل
يوسف موداري عن عمره يفكر حاله عادي في البحرين سجى مكشوف وجهها وهو يطالعها شويات ويغض النظر..ويرجع يطالع دموعها معوره قلبه مد ايده بليا شعور لرجلها
ــ وين هنا..
ــ ايييه ..اااااي...
ــ خلاص .. اسف وربي اهدي ياسجى...<< طلعت منه بعفويه
ما كنت اقصد وربي...
ــ عادي .. حصل خير ...اااه...
قام يوسف حس روحه مصخها وهو مع مرت عمه.. بس مو عارف .. ويش يسوي وين هذي جنانوه الجبانه الخوافه..
ــ جنااانوووه...
جتهم تقرض لووز
ــ هااا .. واني اركض مريت على قضب لوز وقبعت اللي ابغــاااها ...حّره .. حّره
ــ يالهبله انتين فويه وحنا فويه.. تعالي سجى طاحت وانرضت رجولها
رمت جنان اللوز
ــ يووه اسم الله عليش سجويه.. كله منك يالدفش
ــ اووه عاد الحين مو وقت عتاب وشباق
ــ لا تتشابقوا .. حصل خير .. بس رض
ــ تعالي امسكيني قومي خلنا نروح للفيلا ..
حاولت سجى تقوم تسندت على جنان.. م