المساعد الشخصي الرقمي

مشاهدة النسخة كاملة : وسيف الثواني في غيابك (( طعني ))

almahroOoOom
10-23-2007, 11:59 AM
السلام عليكم ورحمة الله وبركاته


راسك علامك رافعه يوم احاكيك
الظاهر اني فوق حجمك عطيتك
لحظة تبي نرجع لماضيك
بذكرك في اي حال لقيتك




حاولت العب لعبتك واظهر بصورة ملاك
ولبست ثوب الثعالب حتى اوصل مستواك
انا مو سيء ابد لكن اسلوبك جبرني
البس الاف الوجوه حتى اخدع من خدعني
ليش تغضب أقدر اغضب .. واقدر اصرخ صرختك
واقدر ابكي ومثلك احكي .. واقدر العب لعبتك




إنت السبب في موقفي.. خليتني أقسا معك
قسيتني من قسوتك ..علمتني معنى الجفا
حفظتني درس الهجر .. خليتني ما اسمعك
ومن كثر ما حطمتني .. نسيتني معنى الوفا



بلغ احساسك تحياتي وسلامي
قول له راح مشواره من امس
انت ما جربت عمرك خصامي
انا قاسي ومالي في الاوهام نفس
انا عندي ظلام الليل ظلما من ظلامي
واي شمس تغيب ابدلها بشمس




لاصرت عادي وكلن يقدر يطولك
هونت !!! مب انا الي يعشق اليوم عادي
اقولها لك وباختصار
انا اذا حبيت ما احب قلب مشغول بغيري
نصيحه تنفعك في زمانك
خلك في دنياك احسن وخلني في دنياي !!!




غيابك ذبح فيني مفاهيم الاشواق
واسقى عروقي للفراق وزرعني
وانا ادري انك تملك احساس واخلاق
احساسك اللي من عروقي نزعني
شنو فيك ما تفهمم ؟؟؟
ترا صدق (( مشتاق ))
وسيف الثواني في غيابك
(( طعني ))



من امس وقلبي خفقته ماهي بخير
من يوم غابت عن سمايا بروقك
يومين وهمومي بقلبي طوابير
وانت الوله ما يبلل عروقك
كانه بخل ؟؟؟
حول علي الفواتير !!!!
وكانه ثقل ؟؟؟
الله يلين خفوقك !!!!



آسف على الغيبه ماكنت فاضي
آسف على التقصير لوكنت قصرت
رجعت لك حاضر ماني بماضي
ابعتذر يمكن عليكم تاخرت
حطيت في غيبتك الحب قاضي
وحكم علي ارجع لو ما تصبرت
رجعت قانع بحبك وراضي
محد جبرني يوم ارسلت واشتقت



تدري بعدك ارحم من وصالك
وصال كله صد وجفا وش نبي فيه
تكلمني ببرود ياكيف حالي يهنى لك
تزعلني !! وخاطري ما تفكر تطيبه
تمشيني بكيفك كأني اصغر عيالك
مره تباعدني ومره تبيني قريبه !!!




جا يطيب خاطري بكلمتين
يحسب ان رضاي مضمون وسهل
عذره إالي رجعه شوق وحنين
يحسب ان رضاي بشوية غزل
مادرى اني حالف وحالف يمين
ما ارد بكلمتي مهما عمل
ما يلين القلب والله ما يلين
وان زعل يزعل ما يهمني لو زعل !!




عزتي اغلى من قلوب وجروح
وان جرحني الوقت تصدق ما انكسر !!
ضربتك ما تكسر احساسي انا
ضربتك بالعكس قوتلي الظهر



اسعد الله صباحك / واسعد الله مساك
وقبل هذي/ وهذي جعل عمرك
طويل ..

من سكنت بقلبي / والغلا هو غلاك
من عرفتك / وقلبي مايبي لك
بديل ..

اعشقك لو قسيت / اعشقك ماكفاك
ماسكن وسط قلبي / قبل حبك
خليل ..
صورتك في عيني
وفي القلب طاريك



أهواك مابعمري الا هواك
ولا لي غالي سواك
واحبك وقلبي معاك

القاك وين مااروح القاك
وين مالتفت القاك
وين مااكون وياك
ياحب ياكل دفا الاحساس
يغنيني عن هالناس
ياشوق ما ينقاس ..




إبتسم لون المسا منك وعرفتك
جيت مثل البدر في صدر الليالي ..

ايه شفت الحب بعيونك وشفتك
وأذكر انك جيت ضيف ورحت غالي ..

وأذكرك مثل الورود ولا قطفتك
وأذكر ان المر دونك وانت حالي ..

واتخيل كل ما مني وصفتك
كيف أخذت الملح كله وانت حالي


فيك لا يمكن
أغير موقفي

انت محبوبي في كل الظروف
ثابت رأيي

ومهما تختفي
لك مكانة فايقة كل الوصوف

ترجمي يا دمعتي له
وأوصفي

حالتي في الليل
مرفوع الكفوف

أظهري الخافي لعينه
واحلفي

إن عيني غير حبه
ما تشوف..



أحبك يا حياة القلب والروح
أحبك يا غرام النفس والبال
أحبك ويشهد الله علي بالبوح
أحبك ويشهد الله علي بالحال
أحبك وحبك يبني لي صروح
أحبك وحبك لي غاية منال
أحبك لانك لي بلسم جروح
أحبك لانك لي حلم وآمال



أهديك كل الحب يا بعد حالي
أهديك الحب مع كل الورد والألوان
وحبك أشتريه بكل الغلا والغالي
وحبك مقدر في قلبي وحبك غالي الأثمان
ويعجز لساني عن وصفك ولو كنت سالي
ووصفك عندي يحرك العاطفة والأشجان
وأقدرك مقدار فوق في السما عالي
ومقدارك ما يتغير ولو مر عليه أزمان


ان كان نور عيني ما يساوي غلاك..
اشهد اني بخيل في ما عطيت..
و تبي آمر تدلل يا بعد هذا وذاك..
تبي قلبي تبي كلي.. قلي وش بغيت..
تبي روحي لأجل تهنى وتضحك شفاك..
اذا يرضيك خذها بس قول اني وفيت...



تقبلوا تحياتي وتقديري
ملطوشين
:D
همس المشاعر
10-23-2007, 04:44 PM
]ياي ..بس أحس طابع الحزن طاغي..
هاااا لا يكون متزاعل ويا الحبيب..لول
almahroOoOom
10-23-2007, 04:51 PM
]ياي ..بس أحس طابع الحزن طاغي..


هاااا لا يكون متزاعل ويا الحبيب..لول


هههههههه
لا مو متزاعـل مع احـد..
تسلمي اختي ع المرور الاكثـر رائـع.,
لاتح ـرمينـا تواج ـدك .’
تحياتي لك
the prince of poetry
10-23-2007, 06:26 PM
كلامك روعه اخي الكريم وذات طابع حزين
دمت ودام قلمك
Shadow
10-23-2007, 06:56 PM
راسك علامك رافعه يوم احاكيك
الظاهر اني فوق حجمك عطيتك
لحظة تبي نرجع لماضيك
بذكرك في اي حال لقيتك

ويلي عليك يالاسد
تسلم لي حبيب البي
شادو
جــبر الخواطــر
10-23-2007, 11:55 PM
بصراحه تتعب ,,,,
احساسي
10-25-2007, 04:50 AM
حركاااااااااااااات


بلغ احساسك تحياتي وسلامي
قول له راح مشواره من امس
انت ما جربت عمرك خصامي
انا قاسي ومالي في الاوهام نفس
انا عندي ظلام الليل ظلما من ظلامي
واي شمس تغيب ابدلها بشمس


محد بلغني شي
BrAdOoO
10-28-2007, 05:51 PM
عزتي اغلى من قلوب وجروح
وان جرحني الوقت تصدق ما انكسر !!
ضربتك ما تكسر احساسي انا
ضربتك بالعكس قوتلي الظهر


بصراحه كلمات مره مره خطير

يسلموووو ولد الخاله

على الكلمات

نتظر مزيدك
almahroOoOom
11-06-2007, 10:14 AM
منورة الصفحـة والله بهالتـواجـد..,
النور كله مجتـمع هنـا.,.
تسلموا لي حبايبي على تنويركم لصفحتي.,.
وربي يعطيكم الف عافية.,.
ولايحرمنـا هالتواجـد ..,
تحياتي لكمـ.,
سرى الليل
11-08-2007, 05:01 AM
يسلمووو حبيبي على هادى طرح رائع

بصراحه طرح في قمة روعه

والله يعطيك العافيه
بنوته!
11-08-2007, 08:17 PM
عزتي اغلى من قلوب وجروح
وان جرحني الوقت تصدق ما انكسر !!
ضربتك ما تكسر احساسي انا
ضربتك بالعكس قوتلي الظهر

اعجبونييييييي كلهم

واكثر واحد هذا مرره نايسس

يـ ع ـطيك الـ ع ــافيه
almahroOoOom
11-11-2007, 11:25 AM
الله يسلمكم حبايب قلبي وربي يعافيكم.,.
وتسلموا لي ع المرور الاكثر من رائع.,.
لاتحرموني من هالطلة,.
تحياتي لكم.’,
ليلى
11-14-2007, 07:50 PM
اللهم صلي محمد وعلى آله وصحبه أجمعين

إبتسم لون المسا منك وعرفتك
جيت مثل البدر في صدر الليالي ..

ايه شفت الحب بعيونك وشفتك
وأذكر انك جيت ضيف ورحت غالي ..

وأذكرك مثل الورود ولا قطفتك
وأذكر ان المر دونك وانت حالي ..

واتخيل كل ما مني وصفتك
كيف أخذت الملح كله وانت حالي

جزاك الله خير


وجعلك من عباده الصالحين


ورزقك قصور الجنه
HADIOO
12-11-2007, 11:38 AM
مسجــات جنـــان

وكــلـك ذووق واللــه حبيبــي محــروووم

ومشكــور ومــاقصــرت

والــى الامـــام